پاکستان نے بھارت کو گھٹنے ٹیکنے پر مجبور کر دیا، عالمی ماہرین بھی حیران
اشاعت کی تاریخ: 11th, May 2025 GMT
اسلام آباد/نئی دہلی: سیکیورٹی اور دفاعی تجزیہ کار مائیکل کلارک نے کہا ہے کہ پاکستان کی جدید تکنیکی صلاحیتوں نے بھارت کو حیرت میں ڈال دیا ہے، خاص طور پر اگر پاکستانی جے 10 سی طیارے نے بھارتی رافیل کو مار گرایا ہو تو یہ واقعی ایک غیرمعمولی پیش رفت ہے۔
ان کے مطابق پاکستان نے بھارتی حملوں کے جواب میں چینی ساختہ اینٹی ایئر کرافٹ ڈیفنس سسٹم مؤثر انداز میں استعمال کیا، جس سے بھارت کو شدید دھچکا لگا۔
امریکی نشریاتی ادارے سی این این کے سینئر صحافی نک رابرٹسن نے انکشاف کیا کہ بھارت نے پہلے پاکستان کی ایئر بیسز پر حملہ کیا، جس کے بعد پاکستان نے بھرپور جوابی کارروائی کرتے ہوئے میزائل حملوں سے بھارت کو مذاکرات کی میز پر آنے پر مجبور کر دیا۔
بی بی سی جنوبی ایشیا کے ریجنل ایڈیٹر اینبرسن اتھرجان نے کہا کہ بھارت کو ماننا پڑے گا کہ پاکستان کی فضائی طاقت اس وقت بھارت سے برتر ہے۔ بھارت کا منصوبہ پاکستان کو ناقابلِ تلافی نقصان پہنچانے کا تھا، مگر اسے ناکامی کا سامنا کرنا پڑا۔
یاد رہے کہ آپریشن "بُنْيَان مَّرْصُوْص" (آہنی دیوار) کے دوران پاکستان نے بھارت کے اندر 10 سے زائد اہداف کو کامیابی سے نشانہ بنایا جن میں آدم پور، ادھم پور، بٹھنڈا، سورت گڑھ، مامون، جموں، سرسہ اور برنالہ کی ایئر بیسز شامل ہیں۔
پاکستان نے جدید "فتح 1" میزائل سسٹم استعمال کرتے ہوئے بھارتی ایس-400 ایئر ڈیفنس سسٹم کو تباہ کیا، جو ڈیڑھ ارب ڈالر مالیت کا تھا۔ اس کامیاب حملے کی ویڈیو بھی جاری کی گئی۔
پاکستان کی اس مؤثر جوابی کارروائی کے بعد عالمی دباؤ پر جنگ بندی کا اعلان کیا گیا، جس کا اعلان امریکی صدر ڈونلڈ ٹرمپ نے کیا۔
.
ذریعہ: Express News
کلیدی لفظ: پاکستان نے پاکستان کی نے بھارت بھارت کو
پڑھیں:
بھارتی کرکٹ بورڈ نے فرحان اور حارث کے خلاف آئی سی سی میں شکایت درج کرادی
ایشیا کپ میں پاک بھارت ٹاکرے ایک بار پھر میدان سے زیادہ تنازعات میں گھر گئے ہیں۔ بھارتی میڈیا اور بی سی سی آئی کی طرف سے پاکستانی کھلاڑیوں کے خلاف شکایات اور پروپیگنڈے کی بوچھاڑ نے یہ ثابت کر دیا کہ بھارت کھیل کو کھیل نہیں بلکہ سیاست اور دشمنی کا میدان سمجھتا ہے۔
سپرفور میچ میں صاحبزادہ فرحان کی نصف سنچری پر منفرد انداز میں خوشی منانے اور حارث رؤف کے ہاتھ کے اشارے کو بھارت نے برداشت نہ کیا۔
بھارتی کرکٹ بورڈ (بی سی سی آئی) نے دونوں پاکستانی کھلاڑیوں کی حرکات کو اشتعال انگیز قرار دیتے ہوئے ان کے خلاف آئی سی سی کو شکایت درج کرا دی ہے۔
بھارتی بورڈ کے مطابق حارث رؤف نے بھارتی فوج کی ناکام کارروائیوں اور طیارے کی تباہی کا مذاق اڑایا اور فرحان نے اپنے بلے کو بندوق کے طور پر استعمال کرتے ہوئے جشن منایا۔
????THE BCCI LODGES COMPLAINT????
– The BCCI has lodged an official complaint against Haris Rauf & Sahibzada Farhan
– The BCCI demands strict actions from the match referee Andy Pycroft against both for provocative behaviour
– What’s your take???? #INDvPAK pic.twitter.com/XkeDWtKA9R
— Richard Kettleborough (@RichKettle07) September 25, 2025
Sahibzada Farhan hunting Rafale and Indian cricket team. pic.twitter.com/Qdo0RrZYWa
— Azlan (@azlanxz) September 21, 2025
اس کے علاوہ جلے پر نمک چھڑکتے ہوئے ایشین کرکٹ کونسل کے صدر اور پی سی بی کے سربراہ محسن نقوی نے بدھ کو ایکس پر کرسٹیانو رونالڈو کی ایک سلو موشن ویڈیو پوسٹ کی، جس میں پرتگالی لیجنڈ اشارہ کرتے ہوئے نظر آ رہے ہیں کہ جیسے کوئی طیارہ اچانک گر کر تباہ ہو گیا ہو۔
pic.twitter.com/1zbuJvz7m0
— Mohsin Naqvi (@MohsinnaqviC42) September 24, 2025
اس سے قبل پاکستانی کرکٹ بورڈ بھی بھارت کے دوہرے معیار کو دنیا کے سامنے رکھ چکا ہے اور ستمبر کو کھیلے گئے میچ سوریہ کمار یادیو کی کھلی سیاسی بیان بازی پر آئی سی سی کو شکایت درج کرائی گئی ہے۔
سوریہ نے اپنی جیت کو بھارتی فوجی آپریشن سے منسوب کر کے کرکٹ کو سیدھا سیاست سے جوڑا، جو کھیل کے قوانین کے سراسر خلاف ہے۔
ऐसा पहली बार हुआ है जब हमने भारत पाकिस्तान मैच नहीं देखा है। भारतीय क्रिकेट टीम को जीत की बधाई।
Abhishek Sharma, Surya Kumar Yadav and Kuldeep Yadav played well.
No Handshake for Indian Army ????#INDvsPAK pic.twitter.com/3mehMBveNa
— Rajkumar Meena (@rkmeena52) September 14, 2025
پی سی بی کا مؤقف ہے کہ بھارت کھلاڑیوں کے جذباتی جشن کو تو نشانہ بناتا ہے لیکن اپنی فوجی کاروائیوں کو کھیل سے جوڑنے والوں پر آنکھیں بند کر لیتا ہے۔
ماہرین کے مطابق یہ بھارت کی پرانی عادت ہے کہ جب بھی پاکستان کسی کھیل یا سفارتی میدان میں نمایاں ہوتا ہے، بھارتی میڈیا اور بی سی سی آئی بے بنیاد الزامات کے ذریعے ماحول کو خراب کرنے کی کوشش کرتے ہیں۔
اسی سلسلے میں سوشل میڈیا پر بھی بھارتی پراپیگنڈہ مشینری متحرک ہے اور پاکستان مخالف مہم چلائی جا رہی ہے۔
پاکستانی عوام اور سوشل میڈیا صارفین نے واضح کیا ہے کہ حارث اور فرحان کے اشارے بھارتی جارحیت اور ماضی کی ذلت آمیز شکستوں کی یاد دہانی تھے، جسے بھارت کبھی برداشت نہیں کر سکتا۔
عوام کا کہنا ہے کہ بی سی سی آئی کی شکایت دراصل بھارتی کمزوری اور پاکستان کے خوف کا اظہار ہے۔
واضح رہے کہ اس سے قبل بھی بھارت نے ہر بڑے ایونٹ میں پاکستان کے خلاف سیاسی حربے استعمال کیے ہیں۔ چاہے وہ ویزا مسائل ہوں، ہوم گراؤنڈ پر کھیلنے کی مخالفت ہو یا اب آئی سی سی میں شکایات،بھارت کا مقصد ہمیشہ پاکستان کو دباؤ میں لانا رہا ہے۔
Post Views: 2
سعودی عرب کے قومی دن پر ملک بھر میں عام تعطیل