پہلگام ڈراما کامیاب کرنے کے لیے مودی نے کیا اقدامات کیے، بھارتی فوجی نے بتادیا
اشاعت کی تاریخ: 15th, May 2025 GMT
مودی کے پہلگام فالس فلیگ آپریشن پر سابق بھارتی فوجی نے دھماکہ خیز انکشافات کردیے۔
یہ بھی پڑھیں: پہلگام حملے کی تحقیقات سے قبل بھارت پاکستان پر حملہ کرکے عالمی قوانین کی خلاف ورزی کا مرتکب
ذرائع کے مطابق جعلی پہلگام حملے کے ناقابل تردید شواہد منظر عام پر جس کے باعث مودی پر تنقید کے وار کا آغاز ہوگیا ہے کیوں کہ ایک سابق بھارتی فوج کے اہلکار نے مودی کے فالس فلیگ ڈراموں سے پردہ اٹھا دیا ہے۔
یاد رہے کہ مودی حکومت نے 22 اپریل کو مقبوضہ کشمیر کے علاقے پہلگام میں ہونے والے واقعے کا ذمے دار پاکستان کو قرار دیتے ہوئے پاکستان کے خلاف جارحیت کا آغاز کردیا تھا جس پر پاکستان کی جانب سے معرکہ حق اور اس کے اہم حصے آپریشن بنیان مرصوص کا آغاز کیا گیا جس نے دشمن کے دانت کھٹے کردیے۔
مزید پڑھیے: پہلگام حملہ: بھارت کی سفارتی تنہائی، پاکستان کا مؤقف عالمی سطح پر تسلیم
پاکستان کی جانب سے بڑے تحمل کے بعد ٹھوک بجا کر جواب سے بھارت اور اس کی افواج کو منہ کی کھانی پڑی اور اب دشمن کی جانب سے جنگ سے ہاتھ اٹھاتے ہوئے امریکا سے ثالثی کی درخواست کی گئی ہے۔
مودی کو کھری کھری سناتے ہوئے سابق بھارتی فوجی نے انکشاف کیا کہ اس نے 18 سال بھارتی فوج میں خدمات انجام دیں اور پہلگام میں بھی تعینات رہا۔
سابق فوجی کا کہنا ہے کہ پہلگام میں آرمی، سی آر پی ایف اور بی ایس ایف کی 3 چیک پوسٹیں ہوتی تھیں اور بغیر مکمل تفتیش وہاں کسی کا داخلہ ناممکن تھا۔
اہلکار نے کہا کہ فوجی بھی تلاشی کے بغیر داخل نہیں ہو سکتے تھے اور سیکیورٹی فول پروف تھی۔
چیک پوسٹس ختم کیسے ہوئیں؟سابق فوجی اہلکار نے کہا کہ امیت شاہ نے ایک ہفتہ قبل اچانک دورے کے بعد تمام چیک پوسٹیں ختم کرنے کا حکم دیا جس کے محض ایک ہفتے بعد پہلگام حملہ ہو گیا، کیا یہ محض اتفاق ہوسکتا ہے۔
اہلکار نے کہا کہ مقبوضہ کشمیر میں دہشتگردی کی پشت پناہی مودی اور امیت شاہ کرتے ہیں اور یہ دونوں اور آر ایس ایس پہلگام جیسے جعلی حملوں کے اصل ماسٹر مائنڈز ہیں۔
مزید پڑھیں: معرکہ بنیان مرصوص کی تکمیل پر آئی ایس پی آر کی جانب سے خصوصی نغمہ جاری
دفاعی ماہرین کا کہنا ہے کہ بھارتی فوجی کے انکشافات نے مودی کے فالس فلیگ نیٹ ورک کا بھانڈا پھوڑ دیا۔
انہوں نے کہا کہ مودی سرکار انتخابی فائدے کے لیے ملک کو خون میں نہلانے سے بھی گریز نہیں کرتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن بنیان مرصوص پاک بھارت کشیدگی پہلگام ڈراما معرکہ حق مودی کا فالس فلیگ آپریشن.ذریعہ: WE News
کلیدی لفظ: آپریشن بنیان مرصوص پاک بھارت کشیدگی پہلگام ڈراما معرکہ حق مودی کا فالس فلیگ ا پریشن بھارتی فوجی کی جانب سے اہلکار نے فالس فلیگ نے کہا کہ
پڑھیں:
بھارتی سپریم کورٹ کے سابق جج کا مودی پر طنز: پاکستانی بدمعاشوں نے بھارت کو گھٹیا جہاز بکوا دیے!
نئی دہلی: بھارت کی حالیہ جنگی ناکامی کے بعد بھارتی سپریم کورٹ کے سابق جج مرکنڈے کاٹجو نے سوشل میڈیا پر طنزیہ انداز میں ردعمل دیا اور الزام عائد کیا کہ پاکستانی بدمعاشوں نے رشوت دے کر بھارت کو ناکارہ جنگی جہاز فروخت کروائے۔
سوشل میڈیا پر جاری اپنے پیغام میں کاٹجو نے لکھا: "یہ سب پاکستانیوں کی حرکت ہے، ان بدمعاشوں نے ڈیسالٹ کمپنی کو رشوت دے کر بھارت کو گھٹیا رافیل جہاز بکوا دیے، جنہیں جنگ میں چینی جہازوں نے مار گرایا۔"
یہ بیان اس وقت سامنے آیا جب پاکستان نے آپریشن بُنیان مرصوص کے تحت بھارت کے 12 حساس فوجی اہداف کو کامیابی سے نشانہ بنایا جن میں ادھم پور، پٹھان کوٹ، سرسہ ائیربیس، براہموس اسٹوریج سائٹ، جی ٹاپ بریگیڈ ہیڈکوارٹر اور اڑی سپلائی ڈپو شامل تھے۔
پاکستانی فضائیہ نے بھارت کے پانچ جنگی طیارے مار گرائے، جن میں جدید فرانسیسی رافیل بھی شامل تھا۔
جنگی ناکامی کے بعد مودی حکومت پر بھارت کے اندر بھی سخت تنقید کی جا رہی ہے اور سوشل میڈیا پر عوام اور ماہرین سوالات اٹھا رہے ہیں۔
بھارت نے جارحیت کا راستہ اپنایا، پاکستان اپنا دفاع کرے گا: ترجمان دفتر خارجہ