ہواوے کا ہارمونی او ایس ترقی پذیر ممالک کو “ڈیجیٹل اعتماد” فراہم کرتا ہے ، چینی میڈیا
اشاعت کی تاریخ: 27th, May 2025 GMT
ہواوے کا ہارمونی او ایس ترقی پذیر ممالک کو “ڈیجیٹل اعتماد” فراہم کرتا ہے ، چینی میڈیا
بیجنگ :
اگر موبائل اور کمپیوٹر کے آپریٹنگ سسٹمز کو ڈیجیٹل دنیا کی “بنیاد” سمجھا جائے، تو گزشتہ کئی سالوں سے یہ بنیادیں زیادہ تر امریکی کمپنیوں کے ہاتھوں تعمیر ہوئی ہیں: موبائل کے لیے اینڈرائیڈ، کمپیوٹرز کے لیے ونڈوز، اور ایپل کا آئی او ایس۔ لیکن ان نظاموں کے پیچھے چھپے خطرات ایک تلوار کی مانند ہیں جو کسی بھی لمحے گر سکتی ہے، اور کسی بھی حفاظتی شعور رکھنے والے فرد کی نیند حرام کر دیتی ہے۔ یہ کوئی مبالغہ آرائی نہیں ہے۔ اجارہ داری کے تحت معلوماتی سلامتی کے بحران کے آثار بار بار سامنے آ چکے ہیں: گزشتہ سال جولائی میں مائیکروسافٹ کے بلیو اسکرین واقعے نے عالمی آئی ٹی نظام کو شدید نقصان پہنچایا، جس کے نتیجے میں متعدد ممالک اور خطوں کے ایوی ایشن سسٹم، بینکنگ سسٹم اور سپر مارکیٹ سسٹم متاثر ہوئے اور یہاں تک کہ”مفلوج” ہو گئے۔ تصور کریں کہ اگر یہ مختصر بحران کسی انسانی ساختہ سائبر جنگ کی مشق ہوتی؟ اگر کسی دن آپ کا یا آپ کی حکومت کا بینک اکاؤنٹ یکدم صفر ہو جائے؟ ایسا سوچ کر ہی خوف آتا ہے۔
جب آپ کے پاس انتخاب کا موقع ہی نہ ہو، تو کسی حق یا آزادی کی بات کرنا بے معنی ہے۔ لیکن اب دنیا کے پاس ایک نیا انتخاب موجود ہے: چین کی ہواوے کمپنی کا ہارمونی او ایس۔ 24 مئی 2025 کو شینزین میں اوپن سورس ہارمونی ڈویلپر کانفرنس منعقد ہوئی، جس میں اوپن سورس ہارمونی سسٹم کی ترقی کی تازہ ترین پیش رفت پر روشنی ڈالی گئی۔ گزشتہ خزاں جب ہواوے نے نیا ہارمونی سسٹم ہارمونی او ایس جاری کیا تو بہت سے چینیوں کی آنکھیں مسرت کے باعث بھیگی ہوئی تھیں۔ اس بظاہر عام سے آپریٹنگ سسٹم کے لانچ کے پیچھے کتنی محنت اور تکلیفیں چھپی ہیں، اور اس نے چین اور دنیا کو کیا دیا ہے؟
2012 میں، چین کی ہواوے کمپنی نے اپنا آپریٹنگ سسٹم تیار کرنا شروع کیا۔ اس وقت اینڈرائیڈ، ونڈوز اور آئی او ایس عالمی منڈی پر اپنی اجارہ داری قائم کیے ہوئے تھے، اور کسی نئے نظام کے لیے مارکٹ میں داخلے کی کوشش کرنا انتہائی مشکل تھا۔ 2019 میں، امریکہ نے اچانک ہواوے پر اینڈرائیڈ کی بنیادی سروسز پر پابندی لگا دی۔ ایک رات کے اندر ہواوے کے بیرون ملک فروخت ہونے والے فونز گوگل میپس، جی میل جیسے عام سافٹ ویئرز استعمال کرنے کے قابل نہ رہے، جس سے کمپنی کو شدید دھچکا لگا۔ اس واقعے نے چینیوں کو یہ سمجھا دیا کہ دوسروں کی چیز چاہے کتنی ہی اچھی کیوں نہ ہو، اگر اس کی چابی آپ کے پاس نہیں ہے، تو کسی بھی وقت آپ کو باہر کا راستہ دکھا دیا جائے گا۔ اسی وجہ سے ہواوے نے ہارمونی سسٹم کی ترقی کو تیز کر دیا۔ اس مقصد کے لیے ہواوے نے کئی بلین ڈالرز تحقیق و ترقی پر خرچ کیے، ہزاروں سائنسدانوں اور انجینئرز کی ٹیم نے دن رات محنت کی، اور تب جا کر ہارمونی کا ظہور ممکن ہوا۔ ہارمونی نے چین کو اپنی حقیقی خودمختار “ڈیجیٹل بنیاد” فراہم کی ہے۔ طویل مدتی نقطہ نظر سے، ہارمونی پوری چینی سافٹ ویئر انڈسٹری کو ابھارنے کا باعث بنے گا، اور چینی کمپنیوں کے لیے غیر ملکی نظاموں کے لیے “مزدوری” کرنے کے دن ختم ہو جائیں گے۔
امریکہ کی طویل عرصے سے چلنے والی آپریٹنگ سسٹمز کی اجارہ داری میں، ترقی پذیر ممالک کو ان نظاموں پر انحصار کرنے کے لیے بھاری پیٹنٹ فیس ادا کرنی پڑتی ہے یا پھر انہیں ٹیکنالوجی کا پابند بنایا جاتا ہے۔ ہارمونی ایک اوپن سورس سسٹم ہونے کی وجہ سے مفت میں استعمال کیا جا سکتا ہے، جو ترقی پذیر ممالک کو ٹیکنالوجی کے اخراجات میں بچت کرنے میں مدد دیتا ہے۔ مزید برآں، وہ ہارمونی کی بنیاد پر اپنی ضروریات کے مطابق شعبہ جاتی حل (جیسے زرعی انٹرنیٹ آف تھنگز، اسمارٹ شہر) تیار کر سکتے ہیں، جس سے ان کی ڈیجیٹل تبدیلی کی رفتار تیز ہو گی۔ سب سے اہم بات یہ ہے کہ ہارمونی سسٹم نے ترقی پذیر ممالک کو سیاسی خطرات سے بچنے اور اپنی ڈیجیٹل خودمختاری کو مضبوط بنانے کا اعتماد دیا ہے۔ یہ نظام ان ممالک کو ایک “متبادل آپشن” فراہم کرتا ہے، جس سے بین الاقوامی تنازعات میں “کسی ایک طرف” کھڑے ہونے کی مجبوری کم ہو جاتی ہے۔ ہارمونی نے عالمی سطح پر کثیر قطبی ٹیکنالوجی کے ماحول کو وسعت دی ہے، نظامی خطرات کو کم کیا ہے، عالمی نیٹ ورک کی لچک کو بڑھایا ہے، اور گوگل، مائیکروسافٹ اور ایپل جیسی کمپنیوں کو اپنی رازداری کی پالیسیوں کو بہتر بنانے پر مجبور کیا ہے، جس سے بالواسطہ طور پر صارفین کے ڈیٹا کے تحفظ کے معیار میں اضافہ ہوا ہے۔
حقیقت یہ ہے کہ ہارمونی محض ایک آپریٹنگ سسٹم کا متبادل نہیں ہے، بلکہ یہ عالمی ڈیجیٹل حکمرانی کو کثیر قطبی بنانے کی ایک اہم قوت ہے۔ اس کی کامیابی اس کے ماحولیاتی نظام کی تعمیر اور بین الاقوامی تعاون کی گہرائی پر منحصر ہے۔ مستقبل میں ہارمونی کو شاید لا تعداد چیلنجز کا سامنا کرنا پڑے، لیکن اس نے پہلا اور سب سے مشکل قدم اٹھا لیا ہے۔
ذریعہ: Daily Mumtaz
کلیدی لفظ: ترقی پذیر ممالک کو ہارمونی او ایس ہارمونی سسٹم آپریٹنگ سسٹم کے لیے
پڑھیں:
چین غزہ میں جنگ کو جلد از جلد ختم کرنے کے لئے کوشش کرتا رہے گا، چینی وزیر اعظم
چین غزہ میں جنگ کو جلد از جلد ختم کرنے کے لئے کوشش کرتا رہے گا، چینی وزیر اعظم WhatsAppFacebookTwitter 0 11 July, 2025 سب نیوز
قاہرہ:
چینی وزیر اعظم لی چھیانگ نے قاہرہ میں مصر کے صدر عبدالفتاح السیسی سے ملاقات کی۔چینی میڈیا کے مطابق
لی چھیانگ نے کہا کہ حالیہ برسوں میں دونوں سربراہان مملکت کی اسٹریٹجک رہنمائی میں چین مصر تعلقات کو فروغ ملا ہے۔ چین اگلے سال چین اور مصر کے درمیان سفارتی تعلقات کے قیام کی سترہویں سالگرہ کے موقع سے فائدہ اٹھاتے ہوئے روایتی دوستی کی ترقی ، سیاسی باہمی اعتماد کے استحکام ، ایک دوسرے کے بنیادی مفادات سے متعلق امور پر مضبوط حمایت جاری رکھنے، چین مصر جامع اسٹریٹجک شراکت داری کے مواد کو مسلسل توسیع دینے، مختلف شعبوں میں دونوں ممالک کے درمیان تعاون میں مزید کامیابیاں حاصل کرنے اور نئے دور کے پیش نظر چین مصر ہم نصیب معاشرے کی تعمیر کے لیے مصر کے ساتھ مل کر کام کرنے کا خواہاں ہے ۔
چین کے وزیر اعظم نے کہا کہ چین بیلٹ اینڈ روڈ انیشی ایٹو کے فریم ورک کے تحت مصر کے ساتھ معیشت اور تجارت، مالیات، مینوفیکچرنگ، نئی توانائی، سائنس و ٹیکنالوجی اور ثقافت سمیت دیگر شعبوں میں تعاون کو مضبوط بنانے کےلیے تیار ہے اور مزید چینی کاروباری اداروں کی مصر میں سرمایہ کاری کی حوصلہ افزائی کی جائے گی ۔ انہوں نے کہا کہ اس وقت بین الاقوامی صورتحال کشیدہ ہوتی جا رہی ہے۔ چین مصر کے ساتھ قریبی روابط برقرار رکھتے ہوئے غزہ میں جنگ کو جلد از جلد ختم کرنے، انسانی بحران کو کم کرنے، تنازع کے پھیلاؤ کو روکنے اور فلسطین کے مسئلے کے جامع، منصفانہ اور دیرپا حل کے لئے کوشش کرتا رہے گا ۔
مصری صدر عبدالفتاح السیسی نے کہا کہ چین مصر کا مخلص دوست ہے اور سفارتی تعلقات کے قیام کے بعد سے دونوں ممالک کے درمیان تعلقات میں ہمیشہ مستقل اور ہموار ترقی ہوئی ہے۔ان کا کہنا تھا کہ مصر ایک چین کے اصول پر سختی سے کاربند ہے اور چین کے ساتھ قریبی اعلیٰ سطحی تبادلوں کو برقرار رکھنے، بیلٹ اینڈ روڈ انیشی ایٹو کی مشترکہ تعمیر کو آگے بڑھانے اور معیشت و تجارت، سرمایہ کاری، نئی توانائی، بنیادی ڈھانچے کی تعمیر اور سیاحت کے شعبوں میں تعاون کو گہرا کرنے کے لیے تیار ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا کتنی ہی’’مشقیں‘‘ کی جائیں، “تائیوان کی علیحدگی” ناکام ہوگی، چینی ریاستی کونسل افغان طالبان نے عالمی فوجداری عدالت کے سپریم لیڈر کی گرفتاری وارنٹ کو مسترد کر دیا ٹرمپ کا فلسطینیوں کو غزہ سے بے دخل کرنے کا منصوبہ سامنے آگیا، نیتن یاہو کا دو ریاستی حل سے انکار غزہ میں فلسطینی مزاحمت کاروں کا کاری وار، اسرائیلی فوج کو بھاری نقصان، 5 فوجی ہلاک، 14 زخمی ایلون مسک کو نئی امریکی سیاسی جماعت بنانے کا اعلان مہنگا پڑ گیا برطانیہ نے ایران میں اپنا سفارتخانہ دوبارہ کھول دیاCopyright © 2025, All Rights Reserved
رابطہ کریں ہمارے بارے ہماری ٹیم
وزیراعظم، نائب وزیراعظم کی اتصالات گروپ کو پاکستان کے آئی سی ٹی سیکٹر میں سرمایہ کاری بڑھانے کی دعوت