کراچی، فائرنگ کے مختلف واقعات، کمسن بچے سمیت تین افراد زخمی
اشاعت کی تاریخ: 11th, July 2025 GMT
کراچی:
شہر قائد ایک بار پھر فائرنگ کے واقعات کی لپیٹ میں آ گیا، جہاں کمسن بچے سمیت تین افراد زخمی ہو گئے، یہ واقعات سرجانی ٹاؤن، کورنگی اور اورنگی ٹاؤن کے مختلف علاقوں میں پیش آئے۔
تفصیلات کے مطابق سرجانی ٹاؤن کے علاقے گرین لائن بس اسٹاپ کے قریب ڈکیتی کی واردات کے دوران ڈاکوؤں کی فائرنگ سے 25 سالہ نوجوان احسن زخمی ہو گیا۔
زخمی کو فوری طبی امداد کے لیے عباسی شہید اسپتال منتقل کیا گیا، پولیس کے مطابق واقعے کی مزید تفتیش جاری ہے۔
دوسری جانب کورنگی سنگر چورنگی سیکٹر 27-C میں ذاتی جھگڑے کے دوران ہونے والی فائرنگ سے 24 سالہ عبدالقدیر زخمی ہو گیا۔
زخمی کو جناح اسپتال منتقل کیا گیا، جبکہ عوامی کالونی پولیس نے زخمی کا ابتدائی بیان قلمبند کر کے مزید قانونی کارروائی کا آغاز کر دیا ہے۔
سب سے افسوسناک واقعہ اورنگی ٹاؤن نمبر 8 کے قریب شاداب گراؤنڈ کے نزدیک پیش آیا، جہاں ڈکیتی کی واردات کے دوران ڈاکوؤں کی فائرنگ سے ڈھائی سالہ بچہ شدید زخمی ہو گیا۔
چھیپا ذرائع کے مطابق کمسن بچے کی شناخت معاویہ ولد راحیل کے نام سے ہوئی ہے جسے سینے اور ہاتھ پر گولیاں لگیں۔ بچہ اپنے والد کے ہمراہ تھا جب ڈاکوؤں نے لوٹ مار کے دوران مزاحمت پر فائرنگ کی۔
چھیپا رضا کاروں نے بچے کو تشویشناک حالت میں عباسی شہید اسپتال منتقل کیا، جہاں اس کی حالت نازک بتائی جا رہی ہے۔
.ذریعہ: Express News
پڑھیں:
فیصل آباد: بڑا آن لائن فراڈ بے نقاب، غیرملکیوں سمیت 149 افراد گرفتار
فیصل آباد(نیوز ڈیسک)نیشنل سائبر کرائم انویسٹی گیشن ایجنسی کا فیصل آباد میں سابق فیسکو چیف کے ڈیرے پر کارروائی کے دوران اربوں روپے کا آن لائن فراڈ پکڑ لیا۔
فیصل آباد میں تاریخ کا سب سے بڑا آن لائن فراڈ بےنقاب ہوگیا، جعلی سرمایہ کاری کا بڑا اسکینڈل پکڑا گیا۔
نیشنل سائبر کرائم ایجنسی ٹیم کے مطابق انہیں سابق فیسکو چیف ملک تحسین کے ڈیرے پر چھاپے کے دوران بڑے کال سینٹر کا انکشاف ہوا ۔ جو پونزی اسکیم اور آن لائن انویسٹمنٹ فراڈ میں ملوث تھا۔
کارروائی کے دوران غیر ملکی باشندوں سمیت 149 افراد کو رنگے ہاتھوں گرفتار کیا گیا ۔ ملزمان میں 131 مرد اور 18 خواتین شامل ہیں۔
این سی سی آئی اے کے مطابق فراڈ نیٹ ورک کے خلاف مجموعی طور پر 7 مقدمات درج کیے جا چکے ہیں۔
باجوڑ: سیکیورٹی فورسز نے فتنۃ الخوارج کی دراندازی کی کوشش ناکام بنادی، 8 دہشتگرد ہلاک
امریکی ریاست ٹیکساس میں طوفان،13 افراد ہلاک