فیڈرل لاجز میں مقیم اعلیٰ سرکاری افسران پر کرایہ کے کتنے واجبات ہیں؟
اشاعت کی تاریخ: 29th, July 2025 GMT
وفاقی دارالحکومت اسلام آباد میں ملازمت کے لیے ملک بھر سے افراد اسلام آباد کا رخ کرتے ہیں ان میں سے بیشتر گھر خرید لیتے ہیں یا کرائے پھرتے ہیں البتہ چند افسران اسلام آباد میں موجود فیڈرل لاجز سرکاری رہائشوں میں رہائش پذیر ہوتے ہیں وزارت ہاؤسنگ کی جانب سے سینٹ کو بتایا گیا کہ اسلام آباد میں موجود 7 لاجز اور سرکاری ہاسٹلز میں مقیم سرکاری افسران کے کرائے کے کچھ واجبات ہیں جن کی مجموعی تعداد 52 لاکھ 7 ہزار روپے سے زائد بنتی ہے۔
دستاویز کے مطابق وزیراعظم ہاؤس، مختلف وزارتوں، سینیٹ، سپریم کورٹ، ایف آئی اے، نیب، ایف بی آر، پی ٹی اے، پی ٹی وی، اسلام آباد پولیس، نیشنل ہائی وے پولیس، یونیورسٹیوں اور سکولوں کے اساتذہ، ڈی جی پاسپورٹ سمیت دیگر سرکاری افسران کے ان لاجز میں کرائے کی مد میں واجبات ہیں۔
مزید پڑھیں: حمیرا اصغر کے خلاف کرایہ داری کیس کی تفصیلات سامنے آگئیں
دستاویز کے مطابق آئی جی پنجاب اور اسلام آباد پولیس عامر ذوالفقار خان کے 51 ہزار روپے سے زائد کے واجبات ہیں، سابق ڈی جی پاسپورٹ یاور حسین کے 16 ہزار روپے، سابق ڈائریکٹر نیشنل پولیس بیورو اور ڈی جی سیف سٹی اسلام آباد رومل اکرم کے 16 ہزار روپے، جوائنٹ سیکریٹری وزیراعظم آفس محمد ہارون رفیق کے 5 لاکھ 16 ہزار روپے، ایڈووکیٹ آن ریکارڈ سپریم کورٹ عمرانہ بلوچ کے 8 ہزار روپے کے واجبات ہیں، ایڈیشنل ڈائریکٹر نیب حبیب الرحمن محسود اور فضل ہادی کے 45، 45 ہزار روپے، آصف رسول سیکریٹری ایف بی آر کے 35 ہزار، جی ایم نیشنل ہائی وے طارق محمود بھٹی کے 29 ہزار روپے کے واجبات ہیں۔
سب سے زیادہ واجبات ایڈیشنل سیکریٹری وزارت داخلہ محمد اسد اسلام کے 6 لاکھ 9 ہزار روپے ہیں، اسی طرح اسسٹنٹ ایڈیشن سیکریٹری کیبیننٹ ڈویژن فرحان عزیز خواجہ کے بھی 5 لاکھ 16 ہزار روپے کے واجبات ہیں، جوائنٹ سیکریٹری اسٹیبلشمنٹ ڈیویژن شوکت علی کے 2 لاکھ 92 ہزار اور سیکرٹری وزارت اطلاعت نوید احمد شیخ کے بھی 2 لاکھ 92 ہزار روپے کے واجبات ہیں۔
مزید پڑھیں: اب وزیراعظم کا لگژری سیلون عوام کے نام، کرایہ وہ جو ہوش اڑا دے
دستاویز کے مطابق عبداللطیف بٹھائی لاج فیڈرل لاج ون نیو بلاک کے 14 سرکاری افسران کے 2 لاکھ 94 ہزار روپے سے زائد کرائے کے واجبات ہیں اسی طرح اسی لاج کے اولڈ بلاک کے 12 افسران کے 2 لاکھ 81 ہزار روپے سے زائد کے واجبات ہیں، لال شہباز قلندر لاج فیڈرل لاج دوم میں مقیم 20 سرکاری افسران کے دو لاکھ 93 ہزار سے زائد کے واجبات ہیں، فاطمہ جناح ورکنگ وومن ہاسٹل میں مقیم 27 خواتین سرکاری افسران کے کرائے کی مد میں 3 لاکھ 50 ہزار روپے سے زائد کے واجبات ہیں فیڈرل گورنمنٹ چوماری ہاسٹل جی ایٹ کے ایک سرکاری افسر کے 9 ہزار روپے سے زائد کے واجبات ہیں جبکہ گلشن جناح کمپلیکس اسلام آباد کے فیملی سوٹ کمپلیکس میں سرکاری ملازمین کے 19 لاکھ 93 ہزار روپے سے زائد کے واجبات ہیں، جبکہ فیملی سوٹ کمپلیکس جی 5 کے 15 سرکاری ملازمین کے 25 لاکھ 85 ہزار روپے سے زائد کے واجبات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیکریٹری وزارت داخلہ محمد اسد اسلام فیڈرل لاجز کرایہ.
ذریعہ
ذریعہ: WE News
کلیدی لفظ: سیکریٹری وزارت داخلہ محمد اسد اسلام فیڈرل لاجز کرایہ ہزار روپے سے زائد کے واجبات ہیں ہزار روپے کے واجبات ہیں سرکاری افسران کے اسلام ا باد فیڈرل لاج
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی