چیٹ جی پی ٹی کی مقبولیت میں تاریخی اضافہ، کاروباری صارفین 5 کروڑ تک پہنچ گئے
اشاعت کی تاریخ: 7th, August 2025 GMT
اوپن اے آئی نے اعلان کیا ہے کہ اس ہفتے چیٹ جی پی ٹی کے ہفتہ وار فعال صارفین کی تعداد 70 کروڑ تک پہنچ جائے گی، جو مارچ میں 50 کروڑ تھی، اس سے واضح ہوتا ہے کہ کمپنی کی سالانہ ترقی میں 4 گنا سے زائد اضافہ ہوا ہے۔
یہ اعداد و شمار چیٹ جی پی ٹی کی تمام مصنوعی ذہانت پر مبنی مصنوعات یعنی فری، پلس، پرو، انٹرپرائز، ٹیم، اور ایجو پر مشتمل ہیں۔ کمپنی کے مطابق، اب روزانہ صارفین کی جانب سے 3 ارب سے زائد پیغامات بھیجے جا رہے ہیں، گزشتہ سال کی نسبت ترقی کی رفتار میں بھی تیزی آئی ہے، جو اس وقت 2.
یہ بھی پڑھیں:
چیٹ جی پی ٹی کے پروڈکٹ نائب صدر نِک ٹرلی نے کہا کہ ہر روز، لوگ اور ٹیمیں سیکھ رہے ہیں، تخلیق کر رہے ہیں اور مشکل مسائل کا حل نکال رہے ہیں۔
اوپن اے آئی کے مطابق، کاروباری صارفین کی تعداد 5 کروڑ ہو چکی ہے، جو جون میں 3 کروڑ تھی۔ تعلیمی اداروں اور کمپنیوں میں آرٹیفیشل انٹیلیجنس ٹولز کا استعمال تیزی سے بڑھ رہا ہے۔
تاہم، اب بھی چیٹ جی پی ٹی کو گوگل کی آرٹیفیشل انٹیلیجنس سروسز سے مقابلے میں کافی فاصلہ طے کرنا ہے۔
مزید پڑھیں:
گوگل کے سی ای او سندر پچائی کے مطابق، گوگل کی آرٹیفیشل انٹیلیجنس سروس اے آئی اوورویوز ہر ماہ 2 ارب صارفین کو 200 سے زائد ممالک میں سہولت فراہم کر رہی ہے۔
جبکہ گوگل کا آرٹیفیشل انٹیلیجنس چیٹ بوٹ جیمنی ایپ بھی اب 45 کروڑ ماہانہ فعال صارفین تک پہنچ چکا ہے۔
اوپن اے آئی نے یہ سنگ میل ایک ایسے وقت میں حاصل کیا ہے جب کمپنی نے گزشتہ ہفتے 8.3 ارب ڈالر کی سرمایہ کاری حاصل کی، یہ سرمایہ کاری سوفٹ بینک کی زیر قیادت ایک 40 ارب ڈالر کے فنڈ کا حصہ ہے، جو اپنی متوقع مدت سے پہلے مکمل ہوا اور 5 گنا زیادہ سرمایہ کاروں نے دلچسپی ظاہر کی۔
مزید پڑھیں:
اوپن اے آئی کی سالانہ آمدنی اب 13 ارب ڈالر ہو چکی ہے، جو جون میں 10 ارب تھی، اور امکان ہے کہ یہ سال کے اختتام تک 20 ارب ڈالر سے تجاوز کر جائے گی۔
تاہم، کمپنی کے عالمی توسیعی منصوبوں کے لیے بھاری سرمایہ درکار ہے۔
اسٹارگیٹ نامی مشترکہ منصوبے کے تحت، جو سوفٹ بینک، اوریکل اورایم جی ایکس کے ساتھ ہے، اگلے 4 سال میں 500 ارب ڈالر کی آرٹیفیشل انٹیلیجنس انفرااسٹرکچر پر سرمایہ کاری کی جائے گی۔
مزید پڑھیں:
اوپن اے آئی پہلے ہی اوریکل کے ساتھ 30 ارب ڈالر سالانہ کے ڈیٹا سینٹر معاہدے پر دستخط کر چکا ہے، جس کے تحت امریکا میں 4.5 گیگاواٹ ڈیٹا سینٹر کی گنجائش حاصل کی جائے گی۔ اس کے علاوہ، کورویو کے ساتھ 11.9 ارب ڈالر کے 5 سالہ معاہدے اور ناروے میں توسیع کا منصوبہ بھی زیر عمل ہے۔
کمپنی متحدہ عرب امارات کی جی42 کمپنی کے ساتھ ابوظہبی میں ایک بڑا ڈیٹا سینٹر بھی قائم کر رہی ہے، اوپن اے آئی کی طرح دیگر آرٹیفیشل انٹیلیجنس کمپنیاں بھی ایسے ہی اقدامات کر رہی ہیں۔
ایک لیک شدہ میمو کے مطابق، اینتھروپک کے سی ای او داریو امودی نے مشرق وسطیٰ کی فنڈنگ پر اپنا مؤقف تبدیل کرتے ہوئے کہا ہے کہ اب آرٹیفیشل انٹیلیجنس کی دوڑ میں سبقت حاصل کرنا بغیر خلیجی سرمایہ کاری کے کافی مشکل ہو گیا ہے، یہ کمپنی پہلے سعودی سرمایہ کاری لینے سے انکار کر چکی تھی۔
مزید پڑھیں:
سرمایہ کاری اور صارفین کی تعداد میں اس بے مثال اضافے سے ظاہر ہوتا ہے کہ آرٹیفیشل انٹیلیجنس ٹیکنالوجی میں سرمایہ کاروں کی دلچسپی میں تیزی سے اضافہ ہو رہا ہے۔
اینتھروپک بھی اب 5 ارب ڈالر کی نئی فنڈنگ کے لیے بات چیت کر رہی ہے، جس کے بعد اس کی مالیت 170 ارب ڈالر ہو سکتی ہے۔ اس سے قبل، سال کے آغاز میں اس کمپنی کی قدر 61.5 ارب ڈالر تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹیفیشل انٹیلیجنس اوپن اے آئی اوریکل جیمنی ایپ چیٹ بوٹ چیٹ جی پی ٹی صارفین گوگل متحدہ عرب اماراتذریعہ: WE News
کلیدی لفظ: ا رٹیفیشل انٹیلیجنس اوپن اے آئی اوریکل جیمنی ایپ چیٹ بوٹ چیٹ جی پی ٹی صارفین گوگل متحدہ عرب امارات ا رٹیفیشل انٹیلیجنس چیٹ جی پی ٹی سرمایہ کاری اوپن اے آئی مزید پڑھیں صارفین کی کے مطابق ارب ڈالر جائے گی رہے ہیں کے ساتھ کر رہی
پڑھیں:
لندن کا تاریخی فنڈ ریزنگ شو: فلسطین کیلئے 2 ملین ڈالر جمع
لندن کا تاریخی فنڈ ریزنگ شو: فلسطین کیلئے 2 ملین ڈالر جمع WhatsAppFacebookTwitter 0 19 September, 2025 سب نیوز
لندن میں فلسطینی عوام کی مدد کے لیے ایک شاندار فنڈ ریزنگ کانسرٹ منعقد کیا گیا، جس کے دوران 2 ملین ڈالر جمع کر لیے گئے۔
ویمبلی ایرینا میں ہونے والے “Together for Palestine” کانسرٹ میں برطانوی اور فلسطینی فنکاروں نے پرفارم کیا، جن میں باسٹیل، جیمز بلیک اور پالوما فیتھ شامل تھے۔
تقریب میں ایک نوجوان فلسطینی گلوکارہ نے خصوصی نغمہ بھی پیش کیا، جسے شرکا نے بے حد سراہا۔
کانسرٹ میں مشہور ہالی ووڈ اداکارہ فلورنس پُو، نکولا کاگلین، بینی ڈکٹ کمبر بیچ، صحافی مہدی حسن اور اقوامِ متحدہ کی نمائندہ برائے فلسطین فرانسسکا البانیز نے بھی خطاب کیا۔ مہدی حسن نے عوام سے فلسطین کے لیے آواز بلند کرنے کی اپیل کی۔
کانسرٹ کے آخر میں برائن اینو اور جمیلا جمیل کی قیادت میں 2 ملین ڈالر جمع ہونے کا اعلان کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرجی ایچ کیو حملہ کیس: ویڈیو لنک سماعت چیلنج، عمران کو پیش کرنے کیلئے درخواست دائر جی ایچ کیو حملہ کیس: ویڈیو لنک سماعت چیلنج، عمران کو پیش کرنے کیلئے درخواست دائر غیر قانونی افغان باشندے دہشتگردی اور سنگین جرائم میں ملوث ہیں، ڈی جی آئی ایس پی آر جی ایچ کیوحملہ کیس: عمران خان کی بذریعہ ویڈیو لنک پیشی کیلئے ایس او پیز جاری غزہ میں قحط اور عالمی چیخ و پکار کے باوجود امریکہ نے جنگ بندی کی قرار داد چھٹی مرتبہ ویٹو کر دی چین کی ’’جدت طرازی کی صلاحیت‘‘ دنیا کو اپنی جانب کھینچ رہی ہے ، چینی میڈیا مودی کیلئے نئی مشکل؛ ٹرمپ نے بھارت کو ایرانی بندرگاہ پر دی گئی چھوٹ واپس لے لیCopyright © 2025, All Rights Reserved
رابطہ کریں ہماری ٹیم
پیٹرول کی قیمت برقرار، ہائی اسپیڈ ڈیزل 2روپے 78پیسے فی لیٹر مہنگا