سیلاب متاثرہ علاقوں میں صوبائی حکومت کی کارکردگی مایوس کن ہے، وفاقی وزیر امیر مقام
اشاعت کی تاریخ: 17th, August 2025 GMT
سیلاب متاثرہ علاقوں میں صوبائی حکومت کی کارکردگی مایوس کن ہے، وفاقی وزیر امیر مقام WhatsAppFacebookTwitter 0 17 August, 2025 سب نیوز
شانگلہ (آئی پی ایس )پاکستان مسلم لیگ ن کے صوبائی صدر اور وفاقی وزیر انجینئر امیر مقام نے کہا ہے کہ سیلاب سے متاثرہ علاقوں میں بجلی کی بحالی جلد ممکن ہوگی،سیلاب متاثرین کے لیے صوبائی امدادی رقم 10 لاکھ مقرر، ڈبل کرنے کی تجویز ہے ،وزیراعلی نے نقصانات کے مکمل ازالے کا وعدہ کیا ہے ،اگر صوبائی حکومت ناکام ہوئی تو وفاقی حکومت مدد کرے گی۔
وہ اتوار کو شانگلہ کے دورے کے موقع پر سیلاب متاثرین سے گفتگو کر رہے تھے ۔ وفاقی وزیرانجینئر امیر مقام نے سیلاب متاثرین سے اظہار ہمدردی کرتے ہوئے کہا کہ سیلاب سے شانگلہ میں بڑے پیمانے پر جانی و مالی نقصان ہوا،شانگلہ کے عوام سے وزیراعظم شہباز شریف کی طرف سے تعزیت کا پیغام ہے ،وفاقی حکومت سیلاب متاثرین کے ساتھ کھڑی ہے،کسانوں کی فصلیں، گاڑیاں، اور گھریلو سامان پانی میں بہہ گیا، سیلاب سے درجنوں دیہات کا تحصیل پورن اور الپوری سے رابطہ منقطع ہے ، شانگلہ میں کئی پل اور سڑکیں سیلابی ریلوں میں بہہ گئیں،صوبائی حکومت اور ضلعی انتظامیہ کی کارکردگی مایوس کن ہے، تین دن گزرنے کے باوجود شانگلہ کا دیگر اضلاع سے رابطہ بحال نہ ہو سکا۔
امیر مقام نے کہا کہ اگر حکومت نے سڑکیں بحال نہ کیں تو ذاتی خرچ پر راستے کھلواوں گا،وفاقی حکومت کی طرف سے مکمل تعاون کا وعدہ ہے ، سیلاب سے متاثرہ علاقوں میں بجلی کی بحالی جلد ممکن ہوگی،سیلاب متاثرین کے لیے صوبائی امدادی رقم 10 لاکھ مقرر، ڈبل کرنے کی تجویز ہے ،ضلعی حکومت شام تک پہاڑی علاقوں کی سڑکیں بحال کرے،وزیراعلی نے نقصانات کے مکمل ازالے کا وعدہ کیا ہے ،اگر صوبائی حکومت ناکام ہوئی تو وفاقی حکومت مدد کرے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیلڈ مارشل کیساتھ پوری قوم سیسہ پلائی دیوار کی طرح موجود ہے،اسپیکر پنجاب اسمبلی ملک احمد خان فیلڈ مارشل کیساتھ پوری قوم سیسہ پلائی دیوار کی طرح موجود ہے،اسپیکر پنجاب اسمبلی ملک احمد خان خیبر پختونخوا میں سیلاب، ایمل ولی خان کا اے پی سی میں امن مارچ موخر کرنے کا اعلان طوفانی بارشوں اور سیلاب سے ہلاکتیں 400سے تجاوز،مون سون کے مزید 3سپیل کی پیشگوئی، شدت 50فیصد زیادہ ہو گی لودھراں،عوام ایکسپریس کی 4بوگیاں پٹڑی سے اترگئیں، ایک مسافر جاں بحق، 33زخمی اسلام آباد ہائیکورٹ میں خصوصی بنچز تشکیل،نوٹیفکیشن جاری سیاسی جماعتوں میں اختلافات کے خاتمے کیلئے مذاکرات ضروری ہیں،چیئرمین سینیٹCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: متاثرہ علاقوں میں سیلاب متاثرین صوبائی حکومت وفاقی حکومت سیلاب سے
پڑھیں:
سازشی عناصر مایوس، آزاد کشمیر میں ’پاکستان زندہ باد‘ کے نعرے گونجتے رہیں گے، وفاقی مذاکراتی کمیٹی اسلام آباد پہنچ گئی
جموں و کشمیر جوائنٹ عوامی ایکشن کمیٹی سے مذاکرات کرنے والی وفاقی کمیٹی کے ارکان نے کہا ہے کہ پاکستان اور کشمیر یک جان دو قالب کی طرح ہیں، جو عناصر آزاد کشمیر میں افراتفری کی خواہش رکھتے تھے انہیں مایوسی ہوئی اور آئندہ بھی مایوس ہوں گے۔
مذاکراتی کمیٹی کے ارکان نے مظفرآباد سے اسلام آباد پہنچنے پر میڈیا سے گفتگو کی اور معاہدے کے حوالے سے تفصیلات سامنے رکھیں۔
یہ بھی پڑھیں: وہ نکات جنہوں نے آزاد کشمیر مذاکرات کامیاب بنائے
اس موقع پر وفاقی وزیر احسن اقبال نے کہا کہ جوائنٹ عوامی ایکشن کمیٹی کے ساتھ مذاکرات کامیاب رہے اور امن بحال ہوا۔
انہوں نے بتایا کہ مظفرآباد میں وفاقی حکومت کی جانب سے ایک وفد بھیجا گیا تھا اور اب آزاد کشمیر میں معمولات زندگی بحال ہو چکے ہیں۔
احسن اقبال نے اس پیش رفت کو پاکستان، جمہوریت اور آزاد کشمیر کے عوام کی کامیابی قرار دیا۔ ان کا کہنا تھا کہ مذاکرات کے دوران پاکستان اور آزاد کشمیر دونوں کے مفادات کو مدِنظر رکھا گیا، اور جو عناصر بدامنی پھیلانا چاہتے تھے، ان کی سازشیں ناکام ہو گئیں۔
انہوں نے کہا کہ وفاقی حکومت اپنے کیے گئے وعدوں پر عملدرآمد بھی یقینی بنائے گی۔
پاکستان پیپلز پارٹی کے رہنما قمر زمان کائرہ نے کہاکہ مذاکرات کی کامیابی کے بعد آج آزاد کشمیر کے عوام نے سکھ کا سانس لیا ہے۔
انہوں نے آزاد کشمیر میں ہونے والے جانی نقصان پر افسوس کا اظہار کرتے ہوئے کہا کہ جن تحریکوں میں تشدد شامل ہو جائے، وہ اپنی منزل کھو بیٹھتی ہیں۔
ان کا کہنا تھا کہ کوشش ہو گی کہ مذاکرات کے نتیجے میں ہونے والے معاہدوں پر جلد از جلد عمل کیا جائے۔ آزاد کشمیر تحریکِ آزادی کشمیر کا بیس کیمپ ہے اور توقع ہے کہ عوام آئندہ پرامن رہیں گے۔
وفاقی وزیر امیر مقام نے کہا کہ بھارت چاہتا تھا کہ آزاد کشمیر میں افراتفری پھیلے، لیکن اس کی یہ خواہش پوری نہ ہو سکی۔
انہوں نے بتایا کہ معاہدے کے تحت ہر ماہ دو بار میٹنگز ہوں گی تاکہ مسائل کے حل پر پیش رفت جاری رہے۔
امیر مقام نے کہا کہ وزیر اعظم شہباز شریف نے اس مسئلے کے حل میں اہم کردار ادا کیا اور کشمیریوں سے پاکستان کا رشتہ ہمیشہ قائم و دائم رہے گا۔ انہوں نے آزاد کشمیر میں پیش آنے والے واقعات پر افسوس کا اظہار بھی کیا۔
سابق اسپیکر قومی اسمبلی راجا پرویز اشرف نے کہا کہ جب ہم مظفرآباد پہنچے تو حالات واقعی تشویشناک تھے، لیکن عوام اور ایکشن کمیٹی سے ملاقات کے بعد واضح ہو گیا کہ مسائل کا فوری حل ناگزیر ہے۔
انہوں نے کہا کہ کشمیری پاکستان سے محبت کرنے والے لوگ ہیں اور ہمیں ایسی کوئی بات نہیں کرنی چاہیے جس سے نفرتیں جنم لیں۔ پاکستان اور کشمیر کے عوام ایک دوسرے کے ساتھ محبت کے رشتے میں بندھے ہوئے ہیں۔
راجا پرویز اشرف نے مزید کہا کہ قائداعظم محمد علی جناح نے کشمیر کو پاکستان کی شہ رگ قرار دیا تھا، جبکہ ذوالفقار علی بھٹو نے مسئلہ کشمیر کے لیے ہزار سال تک لڑنے کا عزم ظاہر کیا تھا۔
انہوں نے بینظیر بھٹو کا حوالہ دیتے ہوئے کہا کہ سابق وزیراعظم نے کہا تھا کہ جہاں کشمیریوں کا پسینہ بہے گا، وہاں ہمارا خون گرے گا۔
ان کا کہنا تھا کہ پاکستان کشمیریوں کی بہتری کے لیے جو کچھ کر سکتا ہے کرے گا، اور کشمیریوں پر بھی یہ ذمے داری عائد ہوتی ہے کہ وہ کسی ایسی سرگرمی سے گریز کریں جس سے فساد پھیلے۔
انہوں نے پاکستان اور کشمیر کے تعلق کو جسم اور روح جیسا قرار دیا اور کہا کہ اس رشتے میں کوئی دراڑ نہیں ڈال سکتا۔
وفاقی وزیر و مسلم لیگ (ن) کے رہنما طارق فضل چوہدری نے کہا کہ اللہ کا شکر ہے کہ معاہدے کے بعد آزاد کشمیر میں امن بحال ہو چکا ہے۔ انہوں نے ایکشن کمیٹی کے مظاہروں کے دوران ہونے والے جانی نقصان پر دلی افسوس کا اظہار کیا۔
وفاقی وزیر داخلہ رانا ثنااللہ نے بھی گفتگو میں کہا کہ جو عناصر آزاد کشمیر میں افراتفری دیکھنا چاہتے تھے وہ ناکام اور مایوس ہوئے، اور آئندہ بھی مایوس ہوں گے۔
یہ بھی پڑھیں: آزاد کشمیر: وفاق اور عوامی ایکشن کمیٹی کے درمیان موبائل فون سروس کی بحالی سمیت 90 فیصد معاملات طے
انہوں نے کہا کہ پاکستان اور کشمیر ایک دوسرے سے جدا نہیں، بلکہ یک جان دو قالب کی مانند ہیں۔ آزاد کشمیر میں پاکستان زندہ باد کے نعرے گونجتے رہیں گے۔
واضح رہے کہ جموں و کشمیر جوائنٹ عوامی ایکشن کمیٹی اور حکومت کے درمیان معاہدہ طے پا گیا ہے، اور 5 روز بعد معمولات زندگی بحال ہونا شروع ہو گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر حکومت افراتفری بھارت جوائنٹ عوامی ایکشن کمیٹی مذاکرات کامیاب معاہدہ طے وی نیوز
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ