پاکستان ماحولیاتی چیلنج سے تنہا نہیں نمٹ سکتا، دنیا کو ہمارا ساتھ دینا ہوگا، وزیراعظم شہباز شریف
اشاعت کی تاریخ: 26th, August 2025 GMT
اسلام آباد: وزیراعظم شہباز شریف نے کہا ہے کہ پاکستان موسمیاتی تبدیلیوں سے شدید متاثرہ ممالک میں شامل ہے اور اس چیلنج سے نمٹنے کے لیے عالمی برادری کو پاکستان کی مدد کرنا ہوگی۔
وہ اسلام آباد میں “نیو انرجی وہیکل پالیسی” کی افتتاحی تقریب سے خطاب کر رہے تھے، جہاں وزیراعظم نے واضح کیا کہ ماحولیاتی تبدیلی محض مقامی نہیں بلکہ عالمی مسئلہ ہے، اور پاکستان جیسے ترقی پذیر ملک کو اس سے نمٹنے میں تنہا نہیں چھوڑا جا سکتا۔
انہوں نے کہا حال ہی میں خیبرپختونخوا میں شدید بارشوں، فلیش فلڈز اور بادل پھٹنے کے واقعات سے کئی علاقے تباہ ہو گئے، درجنوں گھر صفحہ ہستی سے مٹ گئے اور قیمتی جانوں کے ساتھ ساتھ املاک کا بھی بڑا نقصان ہوا۔
وزیراعظم نے 2022 کے تباہ کن سیلاب کا بھی حوالہ دیا، جس میں سینکڑوں اموات ہوئیں اور 30 ارب روپے سے زائد کا مالی نقصان ہوا۔
ان کا کہنا تھا کہ حیرت کی بات یہ ہے کہ پاکستان کا گرین ہاؤس گیسوں کے اخراج میں حصہ نہ ہونے کے برابر ہے، اس کے باوجود ہم سب سے زیادہ متاثر ہو رہے ہیں۔
نئی وہیکل پالیسی—ماحول دوست ترقی کی جانب ایک اہم قدم
تقریب میں ماحولیاتی بہتری اور جدید ٹیکنالوجی کی طرف ایک اور عملی قدم اٹھایا گیا، جہاں ملک بھر کے مختلف تعلیمی اداروں کے طلبہ کو ان کی نمایاں کارکردگی کی بنیاد پر الیکٹرک بائیکس دی گئیں۔
وزیراعظم نے کہا کہ یہ بائیکس کسی سفارش پر نہیں دی گئیں، بلکہ طلبہ کو ان کی محنت کا صلہ ملا ہے۔ میں ہارون اختر کو مبارکباد دیتا ہوں کہ انہوں نے صوبائی حکومت سے مشاورت کر کے یہ مؤثر اور انقلابی پالیسی تشکیل دی۔”
نئی پالیسی کے فوائد: روزگار، ماحول اور توانائی میں بچت
تقریب سے خطاب کرتے ہوئے وزیراعظم کے معاون خصوصی برائے صنعت و پیداوار ہارون اختر نے بتایا کہ یہ نئی پالیسی ملک میں انڈسٹری کی جدید کاری کی بنیاد رکھے گی۔ روزگار کے نئے مواقع پیدا ہوں گے۔ پیٹرولیم مصنوعات کی کھپت میں کمی آئے گی اور ماحولیاتی آلودگی میں واضح کمی متوقع ہے۔
ان کا کہنا تھا کہ یہ پالیسی محض ایک منصوبہ نہیں بلکہ پاکستان کو ایک صاف، سرسبز اور جدید ریاست کے طور پر دنیا کے سامنے پیش کرنے کی طرف عملی قدم ہے۔ آج ہمارا خواب حقیقت بن گیا ہے۔
ذریعہ: Daily Mumtaz
پڑھیں:
وزیراعظم شہبازشریف کے سہ ملکی دورے کا آغاز، پہلے مرحلے میں سعودی عرب روانہ
اسلام آباد(ڈیلی پاکستان آن لائن) وزیراعظم شہباز شریف نے سہ ملکی دورے کا آغاز کر دیا، پہلے مرحلے میں سعودی ولی عہد شہزادہ محمد بن سلمان کی دعوت پر سعودی عرب کے سرکاری دورے پر روانہ ہوگئے۔
ترجمان دفتر خارجہ کے مطابق وزیراعظم شہباز شریف اعلیٰ سطح وفد کے ہمراہ ریاض پہنچیں گے، نائب وزیراعظم اور وزیر خارجہ اسحاق ڈار، سینئر وزراء اور دیگر اعلیٰ حکام بھی ان کے ہمراہ ہیں۔
وزیراعظم شہبازشریف کی سعودی ولی عہد شہزاد محمد بن سلمان سے ملاقات شیڈول ہے، دونوں رہنماؤں میں علاقائی اور عالمی امور پرتبادلہ خیال ہوگا، دوطرفہ امور اور تعلقات کے تمام پہلوؤں کا جائزہ لیا جائے گا، وزیراعظم کا دورہ دونوں ممالک میں تعاون کو مزید مستحکم کرے گا۔
جسٹس طارق جہانگیری کی سماعت کی آڈیو ویڈیو ریکارڈنگ حصول کی درخواست دائر
ترجمان دفتر خارجہ کے مطابق وزیراعظم شہباز شریف دورہ سعودیہ مکمل کر کے برطانیہ روانہ ہوں گے، وزیراعظم کی برطانوی حکام سے ملاقاتیں متوقع ہیں۔
وزیراعظم شہباز شریف 21 ستمبر کو برطانیہ سے امریکا جائیں گے، امریکی صدر ڈونلڈ ٹرمپ سے ملاقات کا امکان ہے، وزیراعظم نیویارک میں اقوام متحدہ کی جنرل اسمبلی اجلاس میں شرکت کریں گے، وزیراعظم کا جنرل اسمبلی سے خطاب 26 ستمبر کو ہوگا۔
وزیراعظم شہباز شریف کی 22 ستمبر کو فلسطین سے متعلق دو ریاستی حل کی سربراہ کانفرنس میں شرکت بھی متوقع ہے۔
ایران: رہائشی عمارت میں گیس دھماکے سے 6 افراد جاں بحق
مزید :
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام