شمالی وزیرستان: دہشت گرد حملے میں 6 افراد جان سے گئے، گاڑی نذرِ آتش
اشاعت کی تاریخ: 22nd, October 2025 GMT
شمالی وزیرستان کے علاقے میران شاہ میں مسلح افراد نے ایک گاڑی پر فائرنگ کی۔ فائرنگ کے بعد گاڑی کو آگ لگا دی گئی۔شمالی وزیرستان کے علاقے میران شاہ میں مسلح افراد نے فائرنگ کے بعد ایک گاڑی کو آگ لگا دی۔ ذرائع کے مطابق گاڑی میں سوار چھ افراد موقع پر ہی جل کر جاں بحق ہوگئے۔واقعے کے بعد علاقے میں خوف و ہراس پھیل گیا جبکہ پولیس نے لاشوں کو تحویل میں لے کر اسپتال منتقل کر دیا، خوارجیوں کی تلاش میں سرچ آپریشن جاری ہے۔ذرائع کے مطابق علاقے میں فتنہ الخوارج کی درندگی پر شدید ردعمل دیتے ہوئے عوام نے خوارج کے خاتمے کے لیے ریاست سے درخواست کی ہے کہ ہمیں ان درندوں سے نجات دلائی جائے۔
.ذریعہ: Nawaiwaqt
پڑھیں:
امریکا کا ایک اور مبینہ منشیات سے لدی کشتی پر حملہ، 4 افراد ہلاک
امریکی فوج کے مشرقی بحرالکاہل میں ایک اور مبینہ منشیات سے لدی کشتی پر حملے میں 4 افراد ہلاک ہوگئے۔
امریکی میڈیا کے مطابق کشتی پر حملے کا حکم وزیر دفاع پیٹ ہیگستھ نے دیا تھا، یو ایس سدرن کمانڈ نے حملے کی تصدیق کرتے ہوئے سوشل میڈیا پر اسکی ویڈیو بھی جاری کردی۔
امریکی فوج کا کہنا ہے کہ انٹیلی جنس حکام نے کشتی میں منشیات ہونے کی تصدیق کی تھی، یو ایس سدرن کمانڈ کے مطابق کشتی پر سوار 4 افراد مارے گئے۔
یو ایس سدرن کمانڈ کا کہنا ہے کہ منشیات سے لدی کشتی مشرقی بحرالکاہل میں منشیات کی اسمگلنگ کے معروف راستے سے گزر رہی تھی۔
واضح رہے کہ ستمبر کے اوائل سے امریکی فوج کے لاطینی امریکہ کے ساحلی پانیوں پر مبینہ منشیات سے لدی کشتیوں پر حملے جاری ہیں۔
اب تک مشرقی بحرالکاہل اور کیریبین میں جہازوں پر کم از کم 22 حملے کیے ہیں، ٹرمپ انتظامیہ کا دعویٰ ہے کہ حملوں کی زد میں آنے والی کشتیاں ثبوت فراہم کیے بغیر منشیات کی اسمگلنگ کر رہی تھیں۔
دوسری جانب ڈیموکریٹس اور ریپبلکنز دونوں نے متنازع منشیات مخالف مہم پر سخت تنقید کی ہے۔
غزہ میں عالمی امن فورس کی تعیناتی اور حماس کو غیر مسلح کرنیکے ٹرمپ منصوبے کو سنگین مسائل کا سامنا