لیہ، ایم ڈبلیو ایم کے زیراہتمام 27ویں آئینی ترمیم کے خلاف احتجاجی مظاہرہ
اشاعت کی تاریخ: 14th, November 2025 GMT
مظاہرین سے خطاب کرتے ہوئے صفدر حسین خان نے کہا کہ آئینی ترامیم ملکی سلامتی کے لیے خطرہ ہیں، سیاستدانوں کے گناہ چھپانے کے لیے ترامیم لائی جارہی ہیں، کاش یہ سیاستدان عوام کے تحفظ اور اُن کے حقوق کے لیے کوئی بل پاس کراتے؟۔ اسلام ٹائمز۔ مجلس وحدت مسلمین ضلع لیہ کے زیراہتمام تحریک تحفظ آئین پاکستان کی اپیل پر 27ویں آئینی ترمیم کے خلاف ملک بھر کی طرح لیہ میں بھی نماز جمعہ کے بعد احتجاجی مظاہرہ کیا گیا، احتجاجی مظاہرہ جامع مسجد ابو طالب کے سامنے کیا گیا، احتجاج میں صوبائی رکن ورکنگ کمیٹی جنوبی پنجاب صفدر حسین خان، ضلعی رہنما ساجد حسین گشکوری اور دیگر نے شرکت کی۔ مظاہرے کے شرکاء نے پاکستان زندہ باد، آئین پاکستان زندہ باد، 27ویں آئینی ترمیم مردہ باد، آمریت مردہ باد کے نعرے لگائے گئے۔ مظاہرین سے خطاب کرتے ہوئے صفدر حسین خان نے کہا کہ آئینی ترامیم ملکی سلامتی کے لیے خطرہ ہیں، سیاستدانوں کے گناہ چھپانے کے لیے ترامیم لائی جارہی ہیں، کاش یہ سیاستدان عوام کے تحفظ اور اُن کے حقوق کے لیے کوئی بل پاس کراتے ؟۔
.ذریعہ: Islam Times
پڑھیں:
جے یو آئی نے 27ویں ترمیم کیخلاف ووٹ دے کر اپنی آئینی ذمہ داری نبھائی ہے، علامہ راشد سومرو
جنرل سیکرٹری جے یو آئی سندھ نے کہا کہ دین، دھرتی، معدنیات، وسائل، جزیروں، خواتین اور بچوں کی عزت و تحفظ کے لیے عوام کو آگے آنا ہوگا، اگر عوام وطن، دین اور غیرت کے تحفظ کے لیے متحد نہ ہوئے تو آنے والی نسلیں کبھی معاف نہیں کریں گی۔ اسلام ٹائمز۔ جمعیت علمائے اسلام سندھ کے قائد علامہ راشد محمود سومرو نے کہا ہے کہ ملک اور سندھ کے ساتھ ہونے والی مبینہ ناانصافیوں کے خلاف آواز بلند کرنا وقت کی ضرورت ہے اور اپنے حقوق کے تحفظ کے لیے عوام کو میدانِ عمل میں آنا ہوگا، جے یو آئی نے 27ویں آئینی ترمیم کے خلاف سینیٹ اور قومی اسمبلی میں ووٹ دے کر اپنی آئینی ذمہ داری نبھائی ہے۔ علامہ سومرو نے کہا کہ جن لوگوں نے سندھ کی زمینیں لوٹیں، انہیں تاحیات استثنی دینا سندھ کے لیے مزید نقصان دہ ہوگا، جے یو آئی ایسی ناانصافیوں کے خلاف کبھی پیچھے نہیں ہٹے گی۔ انہوں نے کہا کہ کسی بھی شخص کو پوری زندگی مقدمہ نہ کھولنے، گرفتار نہ کرنے یا سزا نہ دینے کی ترمیم عدل و انصاف اور قانون کی بالادستی کے لیے نقصان دہ ثابت ہوگی۔
علامہ سومرو نے ایک بڑے جلسے سے خطاب کرتے ہوئے کہا کہ دین، دھرتی، معدنیات، وسائل، جزیروں، خواتین اور بچوں کی عزت و تحفظ کے لیے عوام کو آگے آنا ہوگا۔ انہوں نے کہا کہ اگر عوام وطن، دین اور غیرت کے تحفظ کے لیے متحد نہ ہوئے تو آنے والی نسلیں کبھی معاف نہیں کریں گی۔ انہوں نے مزید کہا کہ صحت کی بہتری، معیاری تعلیم کے فروغ اور محروم طبقات کے حقوق کے لیے جدوجہد جاری رہے گی اور جے یو آئی عوامی امنگوں کی ترجمان جماعت ہے جو اسلامی نظام، عوامی خدمت اور معاشرتی انصاف کے لیے سرگرمِ عمل ہے۔ جلسے میں شریک لوگوں نے علامہ راشد محمود سومرو کی قیادت پر مکمل اعتماد کا اظہار کرتے ہوئے کہا کہ وہ عوام کے حقوق اور وسائل کے تحفظ کے لیے جے یو آئی کی جدوجہد میں ہر سطح پر ساتھ دیں گے۔
ایس آئی اے نے سات کشمیریوں کے خلاف چارج شیٹ داخل کر دی