قومی ایئرلائن کی ٹورنٹو میں عملے کی گمشدگی کی خبریں گمراہ کُن قرار
اشاعت کی تاریخ: 15th, December 2025 GMT
— فائل فوٹو
قومی ایئرلائن نے عملے کے خلاف سوشل میڈیا پر جاری مہم کی تردید کر دی۔
قومی ایئرلائن نے عملے کی گمشدگی اور سیاسی پناہ لینے سے متعلق سوشل میڈیا پر زیر گردش خبروں کو بے بنیاد اور گمراہ کُن قرار دے دیا۔
سماجی رابطے کی ویب سائٹ ایکس پر قومی ایئر لائن کی جانب سے پیغام جاری کیا گیا ہے۔
سوشل میڈیا پر جاری کردہ پیغام میں کہا گیا ہے کہ پاکستان مخالف بعض حلقوں کی جانب سے سوشل میڈیا پر گردش کرنے والا ایک ٹوئٹ جس میں قومی ایئر لائن کی ایک مخصوص پرواز کے تمام عملے کے لاپتہ ہونے کا دعویٰ کیا گیا ہے، مکمل طور پر بے بنیاد ہے۔
قومی ایئر لائن نے تصدیق کرتے ہوئے کہا کہ اس ٹوئٹ کا مقصد قومی ایئر لائن اور پاکستان کی ساکھ کو نقصان پہنچانا ہے، کیونکہ ایسا کوئی واقعہ پیش نہیں آیا اور یہ خبر گمراہ کُن و جعلی ہے۔
واضح رہے کہ اس سے قبل سوشل میڈیا پر قومی ایئر لائن کی ٹورنٹو پرواز کے تمام عملے کی سیاسی پناہ کی درخواست سے متعلق خبریں زیر گردش تھیں، جس کی قومی ایئر لائن نے اب سختی ہے تردید کی ہے۔
.
ذریعہ
ذریعہ: Jang News
کلیدی لفظ: قومی ایئر لائن سوشل میڈیا پر لائن کی لائن نے
پڑھیں:
کوہستان اسکینڈل منظر عام پر لانے والے صحافی کو اعزاز سے نواز دیا گیا
فائل فوٹوچیئرمین قومی احتساب بیورو (نیب) لیفٹیننٹ جنرل (ر) نذیر احمد نے کوہستان اسکینڈل منظر عام پر لانے والے صحافی کو اعزاز سے نواز دیا۔
کوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبرپختونخوا حکومت کے حوالے کردیے جبکہ مزید ریکوری کا عمل جاری ہے۔
پشاور میں ایک خصوصی تقریب کے دوران لیفٹیننٹ جنرل (ر) نذیر احمد نے جنگ اور جیو گروپ کے سینئر صحافی ارشد عزیز ملک کو خصوصی شیلڈ اور سرٹیفکیٹ دیا۔
جنگ اور جیو نے 30 اپریل 2025ء کو کوہستان میں سرکاری بینک اکاؤنٹس سے 40 ارب روپے کی خرد برد کی خبر بریک کی تھی، کوہستان اسکینڈل ملکی تاریخ کا بڑا مالیاتی اسکینڈل تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ