ملک میں نجکاری کےنام پر فوج کاری ہو رہی ہے،ایمل ولی
اشاعت کی تاریخ: 29th, December 2025 GMT
پشاور:مرکزی صدر عوامی نیشنل پارٹی سینیٹر ایمل ولی خان کا کہنا ہے کہ پی آئی اے کی نجکاری ایک ڈرامہ ہے جسے فوجی فرٹیلائزر کے حوالے کیا جا رہا ہے جو کسی صورت قابل قبول نہیں۔
بشیر احمد بلور کی 13ویں برسی کے موقع پر نمک منڈی چوک پشاور میں جلسہ عام سے خطاب کرتے ہوئے انہوں نے کہا کہ نجکاری کے نام پر ملک میں فوج داری اور ملٹریائزیشن کی جا رہی ہے۔
نجکاری بعض مسائل کا حل ہو سکتی ہے مگر حکومت کا کام حکمرانی ہے، روزگار اور تجارت نہیں، آئین پاکستان کے مطابق فوج کو کاروبار کرنے، سڑکیں، سیمنٹ فیکٹریاں، کالونیاں اور کمرشل کمپلیکس بنانے کا کوئی حق نہیں۔
فوج پہلے ہی تقریباً 140 کاروبار چلا رہی ہے اور ان میں سے بیشتر پر کوئی ٹیکس ادا نہیں کیا جا رہا، جو وسائل فوج کے پاس چلے گئے ہیں ان کا حساب دینے والا کوئی نہیں۔
ایمل ولی خان کہتے ہیں کہ باچا خان اور ہمارے اکابرین نے 70 سال پہلے درست کہا تھا کہ یہ ملک فوج کے لیے نہیں بلکہ فوج ملک کے لیے ہے۔
آئین پاکستان کا تقاضا ہے کہ نجکاری ہوگی فوج کاری نہیں، فوج جس کام کےلیے بنی ہے اس کے علاوہ ہر کام کیا ہے۔
دفاع کے نام 80 فیصد ڈائریکٹ اور 180 فیصد ان ڈائریکٹ بجٹ کہاں جارہا ہے؟ ہم آپ کے جنگی کاروبار سے بیزار ہوچکے ہیں، ایک طرف ہمیں مارا جاتا ہے دوسری طرف بدنام کرتے ہیں۔
پختون مزید ان ڈراموں اور جنگی معیشت سے بیزار آچکے ہیں، اگر آپ نے ریاست کو ٹھیک کرنا ہے تو ٹروتھ کمیشن بنایا جائے۔
.
ذریعہ
ذریعہ: Al Qamar Online
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار