عدالتی رکاوٹوں کے بعد صدر ٹرمپ کا نیشنل گارڈ کی تعیناتی کا منصوبہ مؤخر
اشاعت کی تاریخ: 1st, January 2026 GMT
امریکی صدر ڈونلڈ ٹرمپ نے اعلان کیا ہے کہ وہ فی الحال شکاگو، لاس اینجلس اور پورٹ لینڈ میں نیشنل گارڈ کے دستے تعینات کرنے کا اپنا منصوبہ مؤخر کر رہے ہیں۔
یہ فیصلہ اس وقت سامنے آیا ہے جب عدالتی رکاوٹوں کے باعث ان کی کوششیں تعطل کا شکار ہو گئیں، سوشل میڈیا پر جاری بیان میں صدر ٹرمپ نے کہا کہ نیشنل گارڈ کو وقتی طور پر واپس بلایا جا رہا ہے۔
یہ بھی پڑھیں: نیشنل گارڈز پر حملے کے بعد، امریکا میں افغان شہریوں کی گرفتاریوں میں اضافہ
’جب جرائم ایک بار پھر بڑھنا شروع ہوں گے تو ہم واپس آئیں گے، شاید کہیں زیادہ مختلف اور مضبوط انداز میں، یہ صرف وقت کی بات ہے۔‘
اس سے قبل لاس اینجلس میں نیشنل گارڈ کے اہلکار پہلے ہی واپس جا چکے تھے، جہاں صدر ٹرمپ نے رواں سال جرائم اور امیگریشن کے خلاف سخت کارروائی کے تحت دستے تعینات کیے تھے۔
US President #DonaldTrump has said that his administration is withdrawing #NationalGuard troops from #chicago, #LosAngeles, and #Portland, while warning that federal forces could be redeployed if crime rises again pic.
— TheSouthAsianTimes (@TheSATimes) January 1, 2026
شکاگو اور پورٹ لینڈ میں بھی دستے بھیجے گئے تھے، تاہم قانونی چیلنجز کے باعث وہ کبھی سڑکوں پر تعینات نہ ہو سکے۔
ڈیموکریٹک قیادت والے شہروں میں نیشنل گارڈ کی تعیناتی کے صدر ٹرمپ کے فیصلے کو تقریباً ہر مرحلے پر قانونی مشکلات کا سامنا رہا۔
مزید پڑھیں: امریکا: افغانستان سمیت 19 غیر یورپی ممالک کے شہریوں کی امیگریشن درخواستیں معطل
دسمبر میں امریکی سپریم کورٹ نے شکاگو کے علاقے میں امیگریشن کریک ڈاؤن کے تحت نیشنل گارڈ تعینات کرنے کی اجازت دینے سے انکار کر دیا تھا۔
اگرچہ یہ حتمی فیصلہ نہیں تھا، تاہم اسے صدر ٹرمپ کی پالیسی کے لیے ایک غیر معمولی عدالتی دھچکا قرار دیا گیا۔
مزید پڑھیں: امریکا میں ایک اور افغان شہری گرفتار، داعش کی حمایت کا الزام
دارالحکومت واشنگٹن ڈی سی میں اٹارنی جنرل برائن شوالب نے 2 ہزار سے زائد نیشنل گارڈ اہلکاروں کی تعیناتی روکنے کے لیے عدالت سے رجوع کیا تھا۔
اسی طرح اوریگن میں ایک وفاقی جج نے ریاست میں نیشنل گارڈ کی تعیناتی کو مستقل طور پر روک دیا۔
کیلیفورنیا میں عدالتی فیصلے کے بعد 15 دسمبر تک لاس اینجلس کی سڑکوں سے نیشنل گارڈ کے دستے ہٹا لیے گئے تھے، تاہم ایک اپیلٹ عدالت نے اس حکم کے اس حصے کو عارضی طور پر معطل کر دیا تھا جس کے تحت نیشنل گارڈ کا کنٹرول واپس گورنر گیون نیوسم کو دیا جانا تھا۔
مزید پڑھیں:
منگل کے روزعدالت میں جمع کرائی گئی درخواست میں ٹرمپ انتظامیہ نے کہا کہ وہ اب اس حصے پر عمل درآمد روکنے کی درخواست واپس لے رہی ہے، جس کے بعد کیلیفورنیا نیشنل گارڈ کے دستوں کا مکمل کنٹرول دوبارہ ریاستی حکومت کو منتقل ہونے کی راہ ہموار ہو گئی ہے۔
واضح رہے کہ صدر ٹرمپ نے جون میں نیشنل گارڈ کو وفاقی کنٹرول میں لیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پورٹ لینڈ ڈونلڈ ٹرمپ شکاگو کیلیفورنیا لاس اینجلس نیشنل گارڈ وفاقی کنٹرول
ذریعہ
ذریعہ: WE News
کلیدی لفظ: پورٹ لینڈ ڈونلڈ ٹرمپ شکاگو کیلیفورنیا لاس اینجلس نیشنل گارڈ وفاقی کنٹرول میں نیشنل گارڈ نیشنل گارڈ کے لاس اینجلس کی تعیناتی کے بعد
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع