پاکستان اور بھارت کے درمیان جوہری تنصیبات اور قیدیوں کی فہرستوں کا تبادلہ
اشاعت کی تاریخ: 1st, January 2026 GMT
دفترِ خارجہ نے تصدیق کی ہے کہ پاکستان اور بھارت کے درمیان قیدیوں اور جوہری تنصیبات کی فہرستوں کا تبادلہ مکمل کر دیا گیا ہے۔
ترجمان دفتر خارجہ طاہر حسین اندرابی نے ہفتہ وار پریس بریفنگ میں بتایا کہ پاکستان نے متعلقہ فہرستیں بھارتی ہائی کمشنر کے حوالے کی ہیں، اور یہ عمل دونوں ممالک کے درمیان ہر سال دو مرتبہ کیا جاتا ہے۔
انہوں نے یمن کے معاملے پر بھی پاکستان کے موقف کی وضاحت کی، کہا کہ پاکستان یمن کی خودمختاری اور وحدت کے لیے پرعزم ہے اور کسی بھی یکطرفہ اقدام کی حمایت نہیں کرتا۔ پاکستان سعودی عرب کے ساتھ یکجہتی کا بھی اعادہ کرتا ہے اور علاقائی مسائل کے حل کے لیے سفارتکاری کی حمایت جاری رکھے گا، تاکہ یمن کے عوام اور دیگر خطے کی طاقتیں باہمی تعاون سے دیرپا حل تک پہنچ سکیں۔
دفتر خارجہ کے ترجمان نے مزید کہا کہ اسپیکر قومی اسمبلی ایاز صادق نے خالدہ ضیا کی نماز جنازہ میں شرکت کی اور مرحومہ کے اہل خانہ سے تعزیت کی۔ اس موقع پر انہوں نے بنگلادیش کے نیشنل سیکیورٹی ایڈوائزر سے بھی ملاقات کی۔
اس کے علاوہ، انہوں نے صومالی لینڈ کے مسئلے پر پاکستان کا موقف واضح کیا، کہا کہ اسرائیل کی جانب سے صومالی لینڈ کو تسلیم کرنے کو پاکستان مسترد کرتا ہے اور صومالیہ کی خودمختاری کے لیے پرعزم ہے۔ نائب وزیراعظم اور وزیر خارجہ اسحاق ڈار نے او آئی سی اور دیگر ممالک کے وزرائے خارجہ کے ساتھ ایک اعلامیہ بھی جاری کیا جس میں صومالی لینڈ کے اقدام کی مذمت کی گئی۔
ترجمان نے بتایا کہ اسحاق ڈار نے تبوک کے گورنر اور ازبکستان کے وزیر خارجہ کے ساتھ ٹیلیفونک گفتگو کی، جس میں دونوں ممالک کے باہمی دلچسپی کے امور پر بات ہوئی اور ازبکستان کے صدر کے پاکستان دورے کے حوالے سے بھی تبادلہ خیال کیا گیا۔ صومالیہ کے وزیر خارجہ نے بھی پاکستان کے موقف پر شکریہ ادا کیا۔
مزید برآں، ترجمان نے اعلان کیا کہ اسحاق ڈار چین کا دورہ کریں گے، جہاں وہ پاک چین وزارت خارجہ کے اسٹریٹیجک ڈائیلاگ میں شریک ہوں گے۔
افغانستان کے حوالے سے ترجمان نے بتایا کہ سرحد بند ہونے کے بعد بھی پاکستانی سفارت خانہ اپنے شہریوں کے ساتھ رابطے میں ہے اور کابل میں پاکستانی شہریوں سے متعلق معاملات میں طالبان حکام سے بھی رابطہ قائم ہے۔ اب تک 1,100 سے زائد پاکستانیوں نے کابل میں سفارت خانے سے رابطہ کیا ہے۔
ذریعہ
ذریعہ: Daily Mumtaz
پڑھیں:
چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر
چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر WhatsAppFacebookX 0 24 July, 2026 سب نیوز
اسلام آباد،(سب نیوز) : نائب وزیراعظم و وزیر خارجہ سینیٹر محمد اسحاق ڈار نے کرغز جمہوریہ کے شہر چولپون آتا میں شنگھائی تعاون تنظیم (ایس سی او) کے وزرائے خارجہ کونسل کے اجلاس کے موقع پر چینی وزیر خارجہ وانگ یی سے ملاقات کی۔
دفتر خارجہ کے ترجمان کے مطابق ملاقات کے دوران دونوں رہنماؤں نے دوطرفہ تعلقات، علاقائی صورتحال اور کثیرالجہتی فورمز پر تعاون سمیت باہمی دلچسپی کے امور پر گرمجوشی اور مفید تبادلہ خیال کیا۔
نائب وزیراعظم و وزیر خارجہ سینیٹر محمد اسحاق ڈار نے علاقائی امن و استحکام کے لیے پاکستان کی سفارتی کوششوں کو سراہنے پر چینی وزیر خارجہ وانگ یی کا شکریہ ادا کیا۔ وانگ یی نے ایس سی او وزرائے خارجہ کونسل کے اجلاس میں اپنے خطاب کے دوران پاکستان کی سفارتی کوششوں کو سراہا تھا۔
چینی وزیر خارجہ وانگ یی نے شنگھائی تعاون تنظیم کی سربراہانِ مملکت کونسل کی آئندہ چیئرمین شپ سنبھالنے اور 2027 میں ایس سی او سربراہی اجلاس کی میزبانی کے لیے پاکستان کے لیے نیک خواہشات کا اظہار بھی کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبربرطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب اگلی خبرکیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع