کراچی؛ 2026 میں ڈکیتی مزاحمت پر قتل کا دوسرا واقعہ، 18 سالہ نوجوان جاں بحق
اشاعت کی تاریخ: 4th, January 2026 GMT
کراچی:
شہر میں ڈاکوؤں کے ہاتھوں شہریوں کی جان و مال محفوظ نہیں اور نئے سال 2026 میں ڈکیتی مزاحمت پر قتل کا دوسرا واقعہ پیش آیا جہاں 18 سالہ نوجوان ڈاکوؤں کی فائرنگ سے جاں بحق ہوگیا۔
پولیس کے مطابق نیو کراچی سیکٹر 5 ایل رضوان مسجد کے قریب فائرنگ کا واقعہ ڈکیتی مزاحمت کا شاخسانہ نکلا۔
پولیس نے بتایا کہ نیو کراچی سیکٹر 5 ایل رضوان مسجد کے قریب ڈاکوؤں نے مزاحمت پر نوجوان کو فائرنگ کا نشانہ بنایا، جنہیں ایدھی ایمبولینس کے ذریعے عباسی شہید اسپتال منتقل کیا گیا۔
انہوں نے بتایا کہ مقتول کی شناخت 18 سالہ سعد جاوید کے نام سے ہوئی، جنہیں ڈاکوؤں نے مزاحمت پر گولی مار کر قتل کیا۔
نیو کراچی میں پیش آنے والا واقعہ سال 2026 میں ڈاکوؤں کے ہاتھوں ہونے والی دوسری موت ہے۔
دو روز قبل لانڈھی میں گیارھویں جماعت کی طالبہ کومل ڈاکوؤں اور پولیس کے درمیان فائرنگ کی زد میں آکر جاں بحق ہوئی تھی۔
گزشتہ برس (2025) ڈکیتی مزاحمت پر ڈاکوؤں کے ہاتھوں 86 افراد قتل ہوئے تھے۔
.
ذریعہ
ذریعہ: Express News
کلیدی لفظ: ڈکیتی مزاحمت
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم