شزا فاطمہ، داماک پراپرٹیز وفد ملاقات، ڈیجیٹل تعاون پر تبادلہ خیال
اشاعت کی تاریخ: 7th, January 2026 GMT
اسلام آباد:(نیوزڈیسک) وفاقی وزیر انفارمیشن ٹیکنالوجی شزا فاطمہ خواجہ سے دبئی کی معروف رئیل اسٹیٹ کمپنی داماک پراپرٹیز کے وفد نے اسلام آباد میں ملاقات کی۔ ملاقات میں پاکستان کے بڑھتے ہوئے ڈیجیٹل اور ٹیکنالوجی ایکو سسٹم میں تعاون اور امکانات پر گفتگو کی گئی۔
ملاقات کے دوران پاکستان کے ڈیجیٹائزیشن وژن پر بھی وفد کو بریفنگ دی گئی۔ وفاقی وزیر شزا فاطمہ خواجہ نے کہا کہ وزیراعظم شہباز شریف کا ڈیجیٹل نیشن پاکستان وژن حکومت کی ڈیجیٹل پالیسیوں اور اصلاحات کی بنیاد ہے، جس کا مقصد ایک جامع اور انوویشن پر مبنی ڈیجیٹل معیشت کا قیام ہے۔ انہوں نے مزید بتایا کہ وزیراعظم کے رمضان پیکج کے تحت بینظیر انکم سپورٹ پروگرام کے ذریعے صرف ایک ماہ میں پانچ لاکھ خواتین کے ڈیجیٹل والٹس کھولے گئے۔
وفاقی وزیر نے عالمی شراکت داریوں کے فروغ اور بین الاقوامی سرمایہ کاری کو متوجہ کرنے کے لیے سازگار ڈیجیٹل ماحول فراہم کرنے کے عزم کا اعادہ بھی کیا۔ وفد نے پاکستانی نوجوانوں کی صلاحیتوں اور ملک کے ڈیجیٹلائزیشن فریم ورک کو سراہتے ہوئے پراپ ٹیک، ٹوکنائزیشن اور ٹیکنالوجی پر مبنی سرمایہ کاری میں پاکستان کے وسیع امکانات پر بھرپور اعتماد کا اظہار کیا۔
.
ذریعہ
ذریعہ: Daily Mumtaz
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع