اسلام آباد، پولن الرجی کیخلاف حکمت عملی، 30ہزار جنگلی شہتوت تلف
اشاعت کی تاریخ: 7th, January 2026 GMT
اسلام آباد،پولن الرجی کیخلاف حکمت عملی ، 30ہزار جنگلی شہتوت تلف
اسلام آباد (نیوزڈیسک )وفاقی دارالحکومت میں پولن الرجی کے مسئلے سے نمٹنے کیلئے مہم جاری ہے۔ جنگلی شہتوت کے 30 ہزار 115 درخت کاٹ دیئے گئے ۔ ہر کاٹے گئے درخت کے بدلے 3 نئے مقامی درخت لگانے کا فیصلہ کرلیا گیا۔ 40 ہزار سے زائد ماحول دوست درخت لگائے بھی جا چکے۔
وزارت صحت کے اعلامیے کے مطابق پولن الرجی کا سبب بننے والے پیپر ملبری درختوں کے خلاف تین مرحلوں پر مشتمل سائنسی آپریشن مکمل کر لیا گیا ہے۔ ایف نائن پارک ، شکر پڑیاں اور مختلف بڑے سیکٹرز سے مرحلہ وار درخت ختم کئے گئے، مقامی اور نان الرجینک درختوں کو مکمل طور پر محفوظ رکھا گیا ۔
اعلامیے میں واضح کیا گیا ہے کہ مہم کا ہدف صرف پیپر ملبری درخت تھے۔ ماحولیاتی توازن برقرار رکھنے کیلئے ہر اکھاڑے گئے درخت کے بدلے تین نئے مقامی درخت لگانے کا فیصلہ کیا گیا۔ اب تک 40 ہزار سے زائد ماحول دوست درخت لگائے جا چکے ہیں۔
نجی شعبے اور او جی ڈی سی کے تعاون سے مزید 18 ہزار درخت لگانے کیلئے ٹینڈر بھی جاری کر دیا گیا ۔ وزارت صحت کے مطابق شکرپڑیاں میں 81 ایکڑ رقبے پر بحالی کا کام اپریل تک مکمل کرنے کا ہدف مقرر کیا گیا ہے ۔ ان اقدامات کے نتیجے میں گزشتہ دو سال میں پولن ویکسی نیشن کیسز میں 23 فیصد کمی ریکارڈ کی گئی ۔
.
ذریعہ
ذریعہ: Daily Mumtaz
کلیدی لفظ: پولن الرجی
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم