وینزویلا میں آپریشن کے دوران کتنے لوگ مارے گئے اور کتنے امریکیوں کو نقصان اٹھانا پڑا؟ تفصیل سامنے آگئی
اشاعت کی تاریخ: 8th, January 2026 GMT
وینزویلا کے دارالحکومت کاراکاس پر امریکی فوجی کارروائی کے بعد جہاں بھاری جانی نقصان کی اطلاعات سامنے آئی ہیں، وہیں امریکی میڈیا نے دعویٰ کیا ہے کہ اس آپریشن کے دوران امریکی فوج کے متعدد اہلکار بھی زخمی ہوئے۔ واقعے نے خطے میں کشیدگی کو مزید بڑھا دیا ہے۔
یہ بھی پڑھیں:وینزویلا تیل کی کمائی سے صرف امریکی مصنوعات خریدے گا، ٹرمپ کا اعلان
میڈیا رپورٹس کے مطابق وینزویلا کے دارالحکومت کاراکاس پر گزشتہ ہفتے ہونے والی امریکی فوجی کارروائی کے دوران امریکی فوج کے 7 اہلکار زخمی ہو گئے۔ امریکی میڈیا اداروں، جن میں ایسوسی ایٹڈ پریس اور فاکس نیوز شامل ہیں، نے پینٹاگون کے ایک عہدیدار کے حوالے سے بتایا ہے کہ زخمی ہونے والے اہلکاروں کو گولیوں اور شیل کے ٹکڑوں سے زخم آئے۔
رپورٹس کے مطابق ان میں سے 5 امریکی فوجی صحتیاب ہو کر دوبارہ اپنی ڈیوٹی پر واپس آ چکے ہیں، جبکہ 2 اہلکار تاحال زیرِ علاج ہیں۔ پینٹاگون ذرائع کا کہنا ہے کہ امریکی انٹیلیجنس تاحال وینزویلا میں ہونے والے جانی نقصان سے متعلق معلومات اکٹھی کر رہی ہے۔
???????? US interventions in Latin America – from World War II to today
For decades, the United States has carried out military interventions and major CIA operations across the region.
— Sputnik (@SputnikInt) January 5, 2026
مقامی حکام کے مطابق امریکی کمانڈوز نے ہفتے کے روز کاراکاس میں کارروائی کے دوران وینزویلا کے صدر نیکولس مڈورو اور ان کی اہلیہ کو حراست میں لے لیا، جبکہ اس دوران درجنوں افراد ہلاک ہوئے۔ وینزویلا کی فوج نے اعلان کیا ہے کہ اس کارروائی میں کم از کم 24 سیکیورٹی اہلکار مارے گئے، جس کے بعد مجموعی ہلاکتوں کی تعداد 56 ہو گئی ہے۔
وینزویلا کے وزیرِ دفاع جنرل ولادی میر پادرینو نے ایک ٹیلی وژن بیان میں کہا کہ امریکی افواج نے صدر مڈورو کی سیکیورٹی ٹیم، فوجیوں اور عام شہریوں کو ’بے دردی سے‘ قتل کیا۔
یہ بھی پڑھیں:روس، چین، ایران اور کیوبا کے ساتھ اقتصادی تعلقات ختم کرو، امریکا کا وینزویلا سے سخت مطالبہ
دوسری جانب امریکی اخبار نیو یارک ٹائمز نے ایک سینیئر وینزویلا عہدیدار کے حوالے سے دعویٰ کیا ہے کہ امریکی کارروائی میں سیکیورٹی اہلکاروں اور عام شہریوں سمیت کم از کم 80 افراد ہلاک ہوئے۔
ادھر کیوبا کی حکومت نے بھی اعلان کیا ہے کہ امریکی حملے کے دوران وینزویلا کا دفاع کرتے ہوئے 32 کیوبائی شہری ہلاک ہوئے، جو وینزویلا کی درخواست پر وہاں تعینات تھے۔
یاد رہے کہ وینزویلا میں امریکی آپریشن کے نتیجے میں صدر نیکولس مدورو اور ان کی اہلیہ سیلیا فلورس کو بعد ازاں نیویارک منتقل کر دیا گیا، جہاں پیر کے روز انہیں منشیات اسمگلنگ کی سازش کے الزامات پر عدالت میں پیش کیا گیا۔ دونوں نے الزامات سے انکار کیا ہے۔
روس، چین اور دیگر برکس اور گلوبل ساؤتھ ممالک نے امریکی کارروائی کی شدید مذمت کرتے ہوئے وینزویلا کے صدر اور ان کی اہلیہ کی فوری رہائی کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی آپریشن اہلیہ سیلیا فلورس صدر مدورو کیوبا وینزویلا
ذریعہ
ذریعہ: WE News
کلیدی لفظ: امریکی ا پریشن کیوبا وینزویلا وینزویلا کے کہ امریکی کیا ہے کہ کے دوران امریکی ا
پڑھیں:
سونے کی قیمت میں کمی کا رجحان برقرار، فی تولہ کتنے کا ہوگیا؟
کراچی:امریکا اور ایران کے درمیان ایک دوسرے پر حملوں کے تسلسل سے آبنائے ہرمز کی بندش، فی بیرل خام تیل کی عالمی قیمت 100ڈالر کی سطح پر آنے، امریکی فیڈرل ریزرو کے اگلے ہفتے کے اجلاس سے قبل سود کی بلند شرح کو تقویت ملنے سے عالمی اور مقامی صرافہ مارکیٹوں میں سونے اور چاندی کی قیمتوں میں کمی کا رجحان برقرار ہے۔
بین الاقوامی بلین مارکیٹ میں فی اونس سونے کی قیمت 46ڈالر کی کمی سے 4ہزار 050ڈالر کی سطح پر آگئی۔
کمی کے باعث مقامی صرافہ مارکیٹوں میں بھی جمعہ کو فی تولہ سونے کی قیمت 4ہزار 600روپے کی کمی سے 4لاکھ 27ہزار 436روپے کی سطح پر آگئی اور فی دس گرام سونے کی قیمت 3ہزار 944روپے کی کمی سے 3لاکھ 66ہزار 457روپے کی سطح پر آگئی۔
مزید پڑھیںسونے کی عالمی اور مقامی مارکیٹوں میں 4 دن کے بعد قیمت کم ہو گئی
سونے اور چاندی کی عالمی و مقامی مارکیٹوں میں آج پھر قیمتیں بڑھ گئیں
سونے کی عالمی اور مقامی مارکیٹوں میں قیمتوں میں بڑا اضافہ
اسی طرح، عالمی مارکیٹ میں فی اونس چاندی کی قیمت 61سینٹس کی کمی سے 58ڈالر 30سینٹس کی سطح پر آگئی۔
کمی کے نتیجے میں مقامی صرافہ مارکیٹوں میں بھی فی تولہ چاندی کی قیمت 61روپے کی کمی سے 6ہزار 309روپے اور فی دس گرام چاندی کی قیمت 53روپے کی کمی سے 5ہزار 408روپے کی سطح پر آگئی۔
بھارت سے جنگ اور افغانستان میں کارروائی خارج ازامکان نہیں، وزیردفاع