یمن کی علیحدگی پسند تنظیم سدرن ٹرانزیشنل کونسل نے تحلیل ہونے کا اعلان کر دیا
اشاعت کی تاریخ: 9th, January 2026 GMT
یمن کی مرکزی جنوبی علیحدگی پسند تنظیم سدرن ٹرانزیشنل کونسل (STC) نے سعودی عرب میں ہونے والے مذاکرات کے بعد خود کو تحلیل کرنے کا اعلان کر دیا ہے۔
تنظیم کے ارکان کے مطابق یہ فیصلہ جنوبی یمن میں جاری بحران کے خاتمے کے لیے جاری بات چیت کے نتیجے میں کیا گیا۔
ایس ٹی سی کے بعض ارکان اس وقت ریاض میں موجود ہیں جہاں جمعے کے روز جنوبی یمن میں بدامنی کے خاتمے سے متعلق مذاکرات جاری ہیں۔
تنظیم نے سعودی عرب کی جانب سے اٹھائے گئے اقدامات اور پیش کردہ حل کو سراہتے ہوئے کہا کہ یہ جنوبی یمن کے عوام کی ضروریات سے ہم آہنگ ہیں۔
ماہرین کے مطابق اس فیصلے سے سعودی عرب اور متحدہ عرب امارات کے درمیان پیدا ہونے والی کشیدگی میں کمی آ سکتی ہے، جو اس وقت سامنے آئی تھی جب ایس ٹی سی جس کے بارے میں ریاض کا کہنا ہے کہ اسے ابوظہبی کی حمایت حاصل ہے، نے دسمبر میں سعودی حمایت یافتہ یمنی سرکاری افواج کے خلاف کارروائی کی تھی۔
ادھر جمعرات کے روز سعودی عرب کی قیادت میں قائم اتحاد نے دعویٰ کیا کہ ایس ٹی سی کے سربراہ عیدروس الزبیدی ریاض میں متوقع امن مذاکرات میں شرکت سے گریز کرتے ہوئے صومالی لینڈ کے راستے متحدہ عرب امارات فرار ہو گئے۔
اتحاد نے یو اے ای پر الزام عائد کیا کہ اس نے الزبیدی کو ملک سے خفیہ طور پر نکالنے میں مدد فراہم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سدرن ٹرانزیشنل کونسل یمن.
ذریعہ
ذریعہ: WE News
کلیدی لفظ: سدرن ٹرانزیشنل کونسل
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار