پاکستان اور گھانا کے درمیان پہلی دو طرفہ سیاسی مشاورت کا انعقاد
اشاعت کی تاریخ: 27th, January 2026 GMT
فوٹو: سوشل میڈیا
پاکستان اور گھانا کے درمیان پہلی دوطرفہ سیاسی مشاورت کا انعقاد کیا گیا۔
ترجمان دفتر خارجہ کا کہنا ہے کہ پہلی دو طرفہ سیاسی مشاورت 26 جنوری کو گھانا میں منعقد ہوئی، سیاسی مشاورت دونوں ممالک کے دو طرفہ تعلقات میں اہم سنگِ میل ہے۔
فریقین نے تعلقات کو مزید مضبوط بنانے کے عزم کا اعادہ کیا، سیاسی، اقتصادی، دفاعی اور سیاحت سمیت کئی شعبوں میں تعاون بڑھانے پر اتفاق کیا گیا۔
انفارمیشن ٹیکنالوجی اور دیگر باہمی مفاد کے شعبوں میں بھی تعاون بڑھانے پر اتفاق کیا گیا۔ دونوں ممالک نے اگلے سال دو طرفہ سیاسی مشاورت کا دورہ اسلام آباد میں کرنے پر اتفاق کیا۔
.
ذریعہ
ذریعہ: Jang News
کلیدی لفظ: طرفہ سیاسی مشاورت دو طرفہ
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ