موجودہ سیاست کسی سرکس سے کم نہیں، ترقی پیچھے رہ گئی، عطا تارڑ
اشاعت کی تاریخ: 28th, January 2026 GMT
وفاقی وزیر اطلاعات عطا اللہ تارڑ نے کہا ہے کہ موجودہ سیاست کسی سرکس سے کم نہیں ہے۔ ملک میں ڈویلپمنٹ کی سیاست پیچھے رہ گئی ہے جبکہ بیانیے کی سیاست آگے نکل گئی ہے۔
وفاقی وزیر اطلاعات عطا اللہ تارڑ نے خیبر پختونخوا کی یوتھ اسمبلی سے خطاب کرتے ہوئے کہا ہے کہ ایک سال کی طلبہ سیاست نے انہیں زندگی کے کئی اہم سبق سکھائے۔ ان کا کہنا تھا کہ نوجوانوں کو سیاست میں آگے لانا اور انہیں مؤثر پلیٹ فارم مہیا کرنا وقت کی اہم ضرورت ہے۔
اپوزیشن پر تنقید، شیڈو کیبینٹ بنانے کا مشورہعطا تارڑ نے اپوزیشن کو تنقید کا نشانہ بناتے ہوئے کہا کہ وہ محض تنقید کے بجائے شیڈو کیبینٹ بنائیں۔
انہوں نے کہا کہ بدقسمتی سے آج جو سیاست پروان چڑھ رہی ہے وہ کسی سرکس سے کم نہیں۔
وزیر اطلاعات کا کہنا تھا کہ ملک میں ڈویلپمنٹ کی سیاست پیچھے رہ گئی ہے جبکہ بیانیے کی سیاست آگے نکل گئی ہے۔
انہوں نے ماضی کا حوالہ دیتے ہوئے کہا کہ پہلے وڈیروں، زمینداروں اور جاگیرداروں کی سیاست ہوا کرتی تھی، مگر اب سیاست کا رخ مزید بگڑ چکا ہے۔
عطا تارڑ نے کہا کہ مسلم لیگ (ن) نے ہمیشہ ترقی کو ترجیح دی اور ترقیاتی منصوبوں کو گلی محلوں تک پہنچایا۔ انہوں نے لیپ ٹاپ اسکیم کا حوالہ دیتے ہوئے کہا کہ یہ منصوبہ خالصتاً میرٹ پر شروع کیا گیا۔ انہوں نے کہا کہ جب کورونا وبا آئی تو لیپ ٹاپ اسکیم کی وجہ سے تعلیم اور معیشت کا پہیہ چلتا رہا، جو اس منصوبے کی افادیت کا واضح ثبوت ہے۔
تنقید کا حق، لیکن کارکردگی کے ساتھوزیر اطلاعات نے کہا کہ تنقید تب کریں جب خود اس سے بہتر کارکردگی دکھائیں۔ انہوں نے افسوس کا اظہار کیا کہ جب غریب بچوں کے لیے منصوبے بنتے ہیں تو تنقید شروع ہو جاتی ہے۔
دانش اسکول اور وزیراعظم کا وژنعطا تارڑ نے کہا کہ جب دانش اسکول بنانے کی بات ہوئی تو لوگوں نے مخالفت کی، مگر وزیراعظم شہباز شریف نے واضح طور پر کہا کہ وہ دانش اسکول ضرور بنائیں گے تاکہ غریب بچوں کو معیاری تعلیم مل سکے۔
خیبر پختونخوا کے وسائل اور بدانتظامیانہوں نے کہا کہ خیبر پختونخوا قدرتی وسائل سے مالا مال صوبہ ہے، مگر بدقسمتی سے وہاں جس کا زور چلتا ہے وہ ماربل نکال رہا ہے، جو وسائل کے غلط استعمال کی نشاندہی کرتا ہے۔
سکیورٹی اور ٹیکنالوجی کا کردارعطا تارڑ نے کہا کہ فرانزک لیب کی مدد سے زینب قتل کیس حل کیا گیا۔ انہوں نے لاہور دھماکے کا حوالہ دیتے ہوئے بتایا کہ جس میں ڈی آئی جی کیپٹن مبین شہید ہوئے، سیف سٹی منصوبے کی مدد سے اس کے سہولت کار کو گرفتار کیا گیا اور بعد ازاں اسے سزائے موت سنائی گئی۔
وزیر اطلاعات نے افسوس کا اظہار کرتے ہوئے کہا کہ اب سیاست گانوں اور شعر و شاعری کی نذر ہو چکی ہے، جبکہ ہم مسابقت اور کارکردگی کی سیاست چاہتے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: وزیر اطلاعات عطا تارڑ نے ہوئے کہا کہ تارڑ نے کہا نے کہا کہ انہوں نے کی سیاست گئی ہے
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ