محکمہ داخلہ سندھ کا 180 افراد کو نظر بند کرنے کا حکم نامہ جاری
اشاعت کی تاریخ: 1st, February 2026 GMT
محکمہ داخلہ سندھ کےحکم نامے میں نظربند کیے گئے افراد کے نام بھی شامل ہیں۔نوٹیفکیشن کے مطابق فہرست میں شامل افراد راستے بند کرنے، دھرنے، اور امن و امان کی صورتحال خراب کر سکتے ہیں۔ اسلام ٹائمز۔ پولیس حکام کی سفارش پر محکمہ داخلہ سندھ نے 180 افراد کو نظربند کرنے کا حکم نامہ جاری کردیا ، محکمہ داخلہ سندھ کےحکم نامے میں نظربند کیے گئے افراد کے نام بھی شامل ہیں۔ نوٹیفکیشن کے مطابق فہرست میں شامل افراد راستے بند کرنے، دھرنے، اور امن و امان کی صورتحال خراب کر سکتے ہیں۔
امن و امان کی صورتحال خراب ہونے کی صورت میں عوامی جان و مال کو خطرہ لاحق ہوگا، فہرست میں شامل تمام افراد کو 30 دن کیلئے نظر بند حکم جاری کیا گیا ہے۔ فہرست میں شامل افراد کو ضلع وسطی کے مختلف علاقوں سے حراست میں لیا گیا ہے۔
ذریعہ
ذریعہ: Islam Times
کلیدی لفظ: محکمہ داخلہ سندھ فہرست میں افراد کو
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی