دہشتگردی کیخلاف ادارے ایک پیج پر ہیں، وزیراعلیٰ پختونخوا
اشاعت کی تاریخ: 5th, February 2026 GMT
پشاور:وزیراعلیٰ خیبر پختونخوا سہیل آفریدی نے کہا ہے کہ دہشت گردی کے خلاف جنگ پوری قوم کی مشترکہ جنگ ہے، جس کے لیے صوبائی حکومت، سول انتظامیہ، پاک فوج اور تمام قانون نافذ کرنے والے ادارے مکمل ہم آہنگی کے ساتھ ایک پیج پر ہیں اور مل کر اس ناسور کے خاتمے کے لیے کوششیں جاری رکھیں گے۔
پریس سیکریٹری برائے وزیراعلیٰ خیبر پختونخوا کے دفتر سے جاری اعلامیے کے مطابق وزیراعلیٰ سہیل آفریدی کی زیر صدارت صوبائی اپیکس کمیٹی کا ایک اہم اجلاس منعقد ہوا، جس میں صوبائی وزرا، کور کمانڈر پشاور، چیف سیکریٹری، انسپکٹر جنرل پولیس کے علاوہ اعلیٰ سول، فوجی اور قانون نافذ کرنے والے اداروں کے حکام نے شرکت کی۔
اجلاس کے آغاز میں مختلف دہشت گردی کے واقعات میں جاں بحق ہونے والے عام شہریوں، سکیورٹی فورسز اور دیگر قانون نافذ کرنے والے اداروں کے اہلکاروں کے لیے فاتحہ خوانی کی گئی اور شہدا کو خراجِ عقیدت پیش کیا گیا۔
اجلاس میں مجموعی طور پر صوبہ خیبر پختونخوا میں بڑھتے ہوئے دہشت گردی کے واقعات، فتنہ الخوارج کے مکمل خاتمے اور صوبے میں پائیدار امن و استحکام کے لیے جامع لائحہ عمل پر تفصیلی غور کیا گیا۔ اجلاس نے اس امر پر اتفاق کیا کہ دہشت گردی کے خلاف پالیسی کی کامیابی کے لیے تمام سیاسی جماعتوں، عوامی نمائندوں، معززین اور وفاقی حکومت کے ساتھ مشاورت، تعاون اور عملی ہم آہنگی ناگزیر ہے۔
اعلامیے کے مطابق اجلاس میں اس عزم کا اظہار کیا گیا کہ صوبائی حکومت اپنے تمام وسائل بشمول فوج، پولیس، سی ٹی ڈی اور دیگر اداروں کو بروئے کار لاتے ہوئے دہشت گردی کے خلاف کسی قربانی سے دریغ نہیں کرے گی۔ یہ طویل المدتی حکمت عملی دہشت گردی کے محرکات کی نشاندہی، ان کے خاتمے اور عوامی اعتماد کی بحالی کو یقینی بنائے گی۔
وزیراعلیٰ نے کہا کہ حکومت خیبر پختونخوا کا ایجنڈا بہتر طرزِ حکمرانی اور عوامی مفاد کے ذریعے قوم کو دہشت گردی کے خلاف یکجا کرنا ہے۔ پہلے مرحلے میں دہشت گردی سے متاثرہ علاقوں کو ماڈل گڈ گورننس اضلاع میں تبدیل کیا جائے گا، جہاں سیکیورٹی، صحت، تعلیم، روزگار، بنیادی سہولیات اور ترقیاتی منصوبوں کے لیے خصوصی پیکج دیا جائے گا۔
انہوں نے مزید کہا کہ جن علاقوں سے عارضی نقل مکانی ہوئی ہے، متاثرہ افراد کی بحالی، دیکھ بھال اور باعزت واپسی حکومت کی اولین ترجیح ہے، امن پر کوئی سمجھوتہ نہیں کیا جائے گا اور یہ جنگ مشترکہ کوششوں سے ہی جیتی جا سکتی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل دہشت گردی کے خلاف خیبر پختونخوا کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم