وزیراعظم آزاد کشمیر فیصل ممتاز کا وزیر صحت کی دعوت پر حلقہ لچھراٹ کا دورہ
اشاعت کی تاریخ: 6th, February 2026 GMT
وزیر اعظم آزاد کشمیر کا کہنا ہے کہ عوامی مطالبات کو ترجیح بنیادوں پر حل کریں گے۔ اسلام ٹائمز۔ وزیراعظم آزاد کشمیر کا پٹہکہ، پنجگراں اور چھون میں استقبال کیا گیا، وزیراعظم آزاد کشمیر کے ہمراہ موسٹ سینئر وزیر میاں عبدالوحید، وزیر صحت سید بازل نقوی اور وزیر جنگلات سردار جاوید ایوب بھی موجود تھے۔وزیراعظم آزاد کشمیر کے قافلے پر پٹہکہ پہنچنے پر زبردست گل پاشی کی گئی جبکہ وزیراعظم آزاد کشمیر کی جانب سے حالیہ انقلابی اصلاحات پر عوام نے وزیراعظم آزاد کشمیر کو بھرپور خراج تحسین پیش کیا۔ وزیر اعظم آزاد کشمیر کا کہنا ہے کہ عوامی مطالبات کو ترجیح بنیادوں پر حل کریں گے، پیپلز پارٹی کی حکومت عوام کے مسائل ترجیح بنیادوں پر حل کرے گی تاہم حکومت نے سیاست پر عوام کا اعتماد بحال کیا ہے۔ انہوں نے کہا لچھراٹ میں پیپلزپارٹی عوامی فلاح کے بڑے منصوبے بھی لا رہی ہے۔
.
ذریعہ
ذریعہ: Islam Times
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ