موجودہ دہشتگردی کی لہر میں افغانستان سہولت کار کا کردار ادا کر رہا ہے، طاہر اشرفی
اشاعت کی تاریخ: 10th, February 2026 GMT
چیئرمین پاکستان علما کونسل علامہ طاہر اشرفی نے اسلام آباد امام بارگاہ میں خودکش حملے کو بزدلانہ کارروائی قرار دی اور کہا کہ موجودہ دہشت گردی کی لہر کے پیچھے بھارت ہے اور افغانستان سہولت کار کا کردار ادا کر رہا ہے۔
وزیراعظم کے کوارڈینیٹر اور چیئرمین علما کونسل پاکستان علامہ طاہر اشرفی نے سانحہ ترلائی کے حوالے سے قومی پیغام امن کمیٹی کے اجلاس سے خطاب کرتے ہوئے کہا کہ ترلائی کا واقعہ نیا اور غیر متوقع ہے اور یہ پاکستان دشمن عناصر کی بزدلانہ کارروائی ہے۔
انہوں نے کہا کہ دہشت گردوں کا اسلام سے کوئی تعلق نہیں، یہ خارجی ہیں جو مساجد اور چرچوں کو نشانہ بنا رہے ہیں، قرآن کے مطابق بے گناہ مومن کا قاتل ہمیشہ جہنم میں رہے گا جبکہ ایسے عناصر اللہ کی لعنت کے مستحق ہیں۔
علامہ طاہر اشرفی نے کہا کہ پیغام پاکستان ضابطہ اخلاق پر تمام مکاتب فکر کے اکابرین کے دستخط موجود ہیں اور اس کی خلاف ورزی پر قانون اپنا راستہ اپنائے گا۔
انہوں نے زور دیتے ہوئے کہا کہ اپنا مسلک چھوڑو نہیں، دوسرے کے مسلک کو چھیڑو نہیں اور اتحاد و اتفاق کے ذریعے ہی دہشت گردی کا مقابلہ کیا جا سکتا ہے۔
طاہر اشرفی نے کہا کہ آپ کا بزدل دشمن عام شہریوں، عورتوں، بچوں اور عبادت گاہوں پر حملہ آور ہوگا کیونکہ ہمارا دشمن ہماری فوج سے لڑ نہیں سکتا۔
ان کا کہنا تھا کہ خدیجۃ الکبریٰ عظمت اور شان والا نام ہے، ہماری مان سیدنا خدیجۃ الکبریٰ نے پہلے کلمہ پڑھ کر گواہی دی، اگر مسلمان ہوتا تو اس نام کو دیکھ کر حملہ نہ کرتا، دہشت گردوں کا تعلق اسلام سے نہیں، جو کسی مومن کو قتل کرے گا وہ ہمیشہ جہنم میں رہے گا۔
انہوں نے کہا کہ جس نے اللہ کا شریک ٹھہراہا اور قتل کیا وہ ہمیشہ جہنم میں رہے گا، ہم نے پمز اسپتال میں زخمیوں کی عیادت کی تو انہوں نے کہا ہم سجدے میں تھے، ہم کمزور ہیں ہمارا رب تو کمزور نہیں ہے۔
طاہر اشرفی نے کہا کہ یہ پرانی روایت ہے کہ سجدے میں حملہ کرنا یہ کوئی نئی روایت نہیں، مسجد میں حضرت عمر اور حضرت علی پر حملہ ہوا، اس کا مطلب یہ ہے کہ مساجد پر حملہ کرنے والے دونوں کے ماننے والے نہیں ہیں۔
چیئرمین علما کونسل نے کہا کہ موجودہ دہشت گردی کی لہر کے پیچھے فتنۃ الہندوستان ہے اور افغانستان سہولت کار کا کردار ادا کر رہا ہے۔
انہوں نے مطالبہ کیا کہ شہدا اور زخمیوں کی ہر ممکن معاونت کی جائے اور جہاں کسی کو سہولت نہ ملے وہ براہ راست اطلاع دیں۔
ان کا کہنا تھا کہ امام بارگاہ خدیجۃ الکبریٰ میں سیکیورٹی کے فقدان پر ایکشن لیا جا رہا ہے اور تمام سہولت کار گرفتار کیے جا چکے ہیں۔
انہوں نے مساجد اور امام بارگاہوں کی انتظامیہ کو پولیس اور انتظامیہ کے ساتھ مل کر حفاظتی اقدامات مضبوط بنانے کی ہدایت کی۔
چیئرمین علما کونسل پاکستان نے حکومت پنجاب اور وزیراعلیٰ پنجاب کا شکریہ ادا کیا اور بتایا کہ انہوں نے سانحے کے پیش نظر حکومتی سطح پر تقریبات منسوخ کیں اور دعا کی کہ اللہ امت مسلمہ کو ایک جسم کی مانند متحد رکھے۔
انہوں نے کہا کہ وزیراعظم فلسطینیوں کی نمائندگی جرات سے کرتے ہیں
.
ذریعہ
ذریعہ: Express News
کلیدی لفظ: طاہر اشرفی نے انہوں نے کہا علما کونسل سہولت کار نے کہا کہ ہے اور رہا ہے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی