مسلسل 2 روز سے جاری کمی کے بعد سونے کی قیمتوں میں کتنا اضافہ ہوا؟
اشاعت کی تاریخ: 25th, June 2025 GMT
کراچی :مسلسل 2 روز سے جاری کمی کے بعد آج ملک بھر میں سونے کی قیمتوں میں اضافہ ہو گیا۔
تفصیلات کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط فی تولہ سونے کی قیمت 300 روپے اضافے سے 3 لاکھ 54 ہزار 665 روپے ہوگئی۔
اسی طرح 24 قیراط 10 گرام سونے کی قیمت 258 روپے بڑھ کر 3 لاکھ 4 ہزار 68 روپے ریکارڈ کی گئی جبکہ 22 قیراط 10 گرام سونا 237 روپے اضافے سے 2 لاکھ 78 ہزار 502 روپے میں فروخت ہوا۔
دوسری جانب، چاندی کی فی تولہ قیمت 26 روپے گراوٹ کے بعد 3 ہزار 790 روپے اور 10 گرام چاندی 22 روپے تنزلی سے 3 ہزار 227 روپے ہو گئی۔
عالمی مارکیٹ میں سونے کی قیمت 3 ڈالر اضافے سے 3 ہزار 330 ڈالر فی اونس ہو گئی۔
واضح رہے کہ گزشتہ روز (24 جون) 24 قیراط فی تولہ سونے کی قیمت میں 3 ہزار 800 روپے تنزلی سے 3 لاکھ 54 ہزار 365 روپے ہو گئی تھی جبکہ 23 جون کو 24 قیراط سونے کی قیمت 300 روپے کمی سے 3 لاکھ 58 ہزار 165 روپے ہو گئی تھی۔
ذریعہ: Daily Mumtaz
کلیدی لفظ: سونے کی قیمت روپے ہو ہو گئی
پڑھیں:
شہریوں پر مہنگائی کا وار! گھی اور آئل خریدنا مزید مشکل ہوگیا
data-id="863a0a8" data-element_type="widget" data-widget_type="theme-post-content.default">
کراچی میں گھی اور کوکنگ آئل کی قیمتوں میں ایک بار پھر بڑا اضافہ کردیا گیا ہے، جس نے مہنگائی کے ستائے عوام کے لیے زندگی مزید مشکل بنا دی ہے۔
تازہ ترین تفصیلات کے مطابق مینوفیکچررز نے گھی اور آئل کی قیمت میں فی کلو اوسطاً 12 روپے کا اضافہ کیا ہے، تاہم مارکیٹ میں اس کے اثرات کہیں زیادہ دیکھے جا رہے ہیں۔
اوپن مارکیٹ میں 16 کلو گھی کا تھیلا اب 8,550 روپے تک جا پہنچا ہے، جس کا مطلب ہے کہ فی کلو قیمت 100 روپے بڑھ گئی ہے۔ اسی طرح 5 کلو پیک کوکنگ آئل کی قیمت 2,800 روپے سے بڑھ کر 2,850 روپے ہوگئی ہے، یعنی گھریلو صارفین کو فی پیک 70 روپے زیادہ ادا کرنا پڑ رہا ہے۔
ہول سیل سطح پر بھی گھی اور آئل کی قیمتوں میں نمایاں اضافہ ریکارڈ کیا گیا ہے، جہاں گھی 535 روپے فی کلو اور کوکنگ آئل 572 روپے فی کلو تک جا پہنچا ہے۔ ڈیلرز کے مطابق مختلف برانڈز کے آئل اور گھی میں فی لیٹر یا فی کلو 10 سے 15 روپے اضافہ ہوا ہے۔
بڑے برانڈز بھی اس اضافے سے بری طرح متاثر ہوئے ہیں۔ مثال کے طور پر کنگ آئل کا 10 لیٹر کین اب 6,400 روپے میں فروخت ہو رہا ہے جبکہ دیگر برانڈز کے 5 لیٹر اور فی کلو پیکٹس کی قیمتیں بھی نمایاں طور پر بڑھ گئی ہیں۔
عوامی حلقوں کا کہنا ہے کہ اشیائے ضروریہ کی بڑھتی ہوئی قیمتوں نے گھریلو بجٹ کو تباہ کر دیا ہے، اب کھانے پکانے کی بنیادی اشیاء بھی متوسط اور غریب طبقے کی پہنچ سے باہر ہوتی جا رہی ہیں۔ عوام نے حکومت سے مطالبہ کیا ہے کہ قیمتوں میں اضافے کو کنٹرول کرنے کے لیے فوری اقدامات کیے جائیں، ورنہ مہنگائی کی لہر مزید شدید ہوسکتی ہے۔
لیبیا میں تارکینِ وطن کی کشتی الٹنے سے 61 افراد جاں بحق