چلاس میں ایک گھر پر نامعلوم شرپسندوں کا حملہ، ایک خاتون قتل، دوسری اغوا
اشاعت کی تاریخ: 1st, January 2026 GMT
مقامی ذرائع کے مطابق چلاس کے علاقے تھور بڑوگاہ میں گزشتہ رات کو یہ واقعہ پیش آیا جہاں نامعلوم شرپسندوں ںے گل خان نامی شخص کے گھر میں زبردستی گھس پر اندھا دھند فائرنگ کر دی۔ اسلام ٹائمز۔ چلاس میں نامعلوم شرپسندوں نے ایک گھر پر حملہ کر کے ایک خاتون کو قتل جبکہ دوسری خاتون کو اغوا کر لیا۔ واقعے میں دو بچیوں سمیت تین افراد شدید زخمی بھی ہوئے۔ مقامی ذرائع کے مطابق چلاس کے علاقے تھور بڑوگاہ میں گزشتہ رات کو یہ واقعہ پیش آیا جہاں نامعلوم شرپسندوں ںے گل خان نامی شخص کے گھر میں زبردستی گھس پر اندھا دھند فائرنگ کر دی۔ فائرنگ کے نتیجے میں ایک خاتون موقع پر جاں بحق ہو گئی جبکہ تین زخمی ہوئے جن میں دو بچیاں بھی شامل ہیں۔ حملہ آوروں نے ایک خاتون کو اغوا بھی کر لیا ہے۔
.
ذریعہ
ذریعہ: Islam Times
کلیدی لفظ: نامعلوم شرپسندوں ایک خاتون
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ