حکومتی نااہلی نے تاجروں کے اربوں روپے راکھ کر دیے، مدثر انصاری
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) امیر جماعت اسلامی ضلع غربی مدثر حسین انصاری اور ضلعی جنرل سیکرٹری عبدالحنان نے گل پلازہ میں آتشزدگی کے واقعے اور جانی ومالی نقصان پرپر گہرے دکھ اور افسوس کا اظہار کرتے ہوئے اسے سندھ حکومت اور انتظامیہ کی مجرمانہ نااہلی قرار دیا ہے۔ مدثر حسین انصاری نے اپنے بیان میں کہا کہ کراچی کا تجارتی مرکز لاوارث ہو چکا ہے؛ کروڑوں روپے ٹیکس دینے والے تاجروں کو نہ آگ سے تحفظ حاصل ہے اور نہ ہی حادثے کی صورت میں فائر بریگیڈ کا نظام فعال ملتا ہے۔ انہوں نے کہا کہ شارٹ سرکٹ سے لگنے والی آگ کا اربوں روپے کے نقصان میں بدل جانا فائر سیفٹی آڈٹ کے نام نہاد حکومتی دعوؤں کی قلعی کھول رہا ہے۔ ضلعی جنرل سیکرٹری عبدالحنان نے کہا کہ شہر کے میئر اور صوبائی حکومت صرف فوٹو سیشن تک محدود ہیں، جبکہ فائر بریگیڈ کے پاس نہ پانی دستیاب ہے اور نہ جدید آلات۔ انہوں نے مطالبہ کیا کہ حکومت فوری طور پر متاثرہ تاجروں کے نقصانات کا ازالہ کرے اور شہر کی بلند و بالا عمارتوں میں حفاظتی انتظامات کے نام پر جاری کرپشن کا خاتمہ کیا جائے۔
ذریعہ
ذریعہ: Jasarat News
پڑھیں:
پٹرول کی قیمت میں 4 روپے اضافے پر شہری مایوس، فوری ریلیف کا مطالبہ
افشاں رضوان:پٹرول کی قیمت میں 4 روپے فی لیٹر اضافے کے بعد شہریوں نے شدید مایوسی کا اظہار کرتے ہوئے حکومت سے فوری ریلیف دینے کا مطالبہ کیا ہے۔
شہریوں کا کہنا ہے کہ مسلسل بڑھتی ہوئی مہنگائی اور ایندھن کی قیمتوں میں اضافے نے ان کی مشکلات میں مزید اضافہ کر دیا ہے, آمدن میں کوئی اضافہ نہیں ہوا، جبکہ روزمرہ اخراجات دوگنا ہو چکے ہیں۔
شہریوں نے حکومت سے مطالبہ کیا ہے کہ پٹرولیم مصنوعات کی قیمتوں پر نظرثانی کرتے ہوئے فوری ریلیف فراہم کیا جائے.
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ٹی20 ورلڈ کپ 2026: پاکستان نے سپر 8 کے لیے جگہ پکی کر لی