وزیرِ اعظم شہباز شریف کی ورلڈ اکنامک فورم کے 56ویں سالانہ اجلاس میں شرکت
اشاعت کی تاریخ: 21st, January 2026 GMT
ڈیووس (نیوز ڈیسک)وزیرِ اعظم محمد شہباز شریف ورلڈ اکنامک فورم کے 56ویں سالانہ اجلاس میں شرکت کے لیے ڈیووس میں موجود ہیں، جہاں آج ان کا دن اہم سفارتی اور اقتصادی مصروفیات سے بھرپور ہوگا۔
ذرائع کے مطابق وزیرِ اعظم پاکستان کے زیرِ اہتمام منعقدہ بریک فاسٹ تقریب میں شرکت کریں گے اور شرکاء سے خطاب بھی کریں گے، جسے پاکستان ٹیلی وژن (پی ٹی وی نیوز) پر براہِ راست نشر کیا جائے گا۔
وزیرِ اعظم عالمی رہنماؤں کی ایک غیر رسمی ملاقات میں بھی شریک ہوں گے، جس کا اس سال کا موضوع “تقسیم شدہ عالمی منظر نامے میں مکالمے کی اہمیت” رکھا گیا ہے۔ اس نشست میں عالمی چیلنجز، باہمی تعاون اور مذاکرات کی ضرورت پر تبادلۂ خیال کیا جائے گا۔
اسی دوران وزیرِ اعظم کی عالمی مالیاتی ادارے کی مینجنگ ڈائریکٹر سے ملاقات بھی متوقع ہے، جس میں پاکستان کی معاشی صورتحال، جاری اصلاحاتی اقدامات اور مستقبل کے لائحہ عمل پر گفتگو کی جائے گی۔
ورلڈ اکنامک فورم کی سائیڈ لائنز پر وزیرِ اعظم شہباز شریف کی مختلف عالمی رہنماؤں سے ملاقاتیں بھی متوقع ہیں، جن میں دو طرفہ تعلقات، سرمایہ کاری، عالمی معاشی رجحانات اور علاقائی امور زیرِ بحث آئیں گے۔
.
ذریعہ
ذریعہ: Daily Mumtaz
پڑھیں:
صدر آصف علی زرداری سے بلوچستان کے صوبائی وزراء کی ملاقات
ویب ڈیسک: صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی