پاک فضائیہ کے سربراہ کی انڈونیشین صدر سے ملاقات، دفاعی تعاون بڑھانے پر اتفاق
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
جکارتہ:ائیر چیف مارشل ظہیر احمد بابر سدھو نے اپنے سرکاری دورۂ انڈونیشیا کے دوران صدر پربوو سوبیانتو سے اہم ملاقات کی جس میں دونوں ممالک کے درمیان دفاعی تعاون کے فروغ، پیشہ ورانہ روابط اور مشترکہ تربیتی پروگرامز کے حوالے سے تفصیلی تبادلۂ خیال کیا گیا۔
آئی ایس پی آر کے مطابق ملاقات میں پاکستان اور انڈونیشیا کے دیرینہ برادرانہ تعلقات، مشترکہ اقدار اور اسٹریٹجک شراکت داری کو مزید مضبوط بنانے پر زور دیا گیا۔ ائیر چیف نے اس موقع پر دونوں ممالک کے تاریخی روابط کو اجاگر کرتے ہوئے کہا کہ دفاعی شعبے میں تعاون نہ صرف عسکری استعداد بڑھاتا ہے بلکہ خطے میں امن و استحکام کے لیے بھی اہم کردار ادا کرتا ہے۔
انڈونیشین صدر نے پاک فضائیہ کے جدید تربیتی نظام، آپریشنل مہارت اور ایرو اسپیس ترقیاتی ڈھانچے کو سراہتے ہوئے اس سے استفادہ کرنے میں گہری دلچسپی کا اظہار کیا، انڈونیشیا اپنی دفاعی صلاحیتوں کو بہتر بنانے کے لیے پاکستان کے تجربات سے فائدہ اٹھانا چاہتا ہے، خصوصاً فلائنگ ٹریننگ، تکنیکی مہارت اور جدید فضائی حکمت عملی کے میدان میں۔
قبل ازیں ائیر چیف نے انڈونیشیا کے وزیر دفاع، مسلح افواج کے کمانڈر اور انڈونیشین فضائیہ کے سربراہ سے علیحدہ علیحدہ ملاقاتیں بھی کیں، جہاں انہیں گارڈ آف آنر پیش کیا گیا۔ ان ملاقاتوں میں فضائی افواج کے مابین بنیادی سے جدید سطح تک مشترکہ تربیت، پیشہ ورانہ تبادلوں اور ابھرتے ہوئے ایرو اسپیس شعبوں میں اشتراک بڑھانے پر اتفاق کیا گیا۔
انڈونیشین فضائیہ کے سربراہ نے پاک فضائیہ کے جنگی تجربے اور تربیتی مہارت کو سراہتے ہوئے آپریشنل اور فلائنگ ٹریننگ میں تعاون کی خواہش ظاہر کی۔ اس موقع پر ائیر چیف مارشل کو دوطرفہ فضائی تعاون کے فروغ میں نمایاں کردار پر انڈونیشین فضائیہ کی جانب سے اعلیٰ ترین اعزاز “میڈل آف آنر” بھی عطا کیا گیا۔
ذریعہ
ذریعہ: Jasarat News
کلیدی لفظ: فضائیہ کے ائیر چیف کیا گیا
پڑھیں:
ایس سی او وزرائے خارجہ اجلاس کا آغاز، اسحاق ڈار کی شرکت
نائب وزیراعظم اور وزیر خارجہ سینیٹر محمد اسحاق ڈار نے کرغزستان کے شہر ’چولپون آتا‘ میں شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کی۔
دفتر خارجہ کے مطابق اجلاس کے باقاعدہ آغاز سے قبل سینیٹر اسحاق ڈار نے شنگھائی تعاون تنظیم کے رکن ممالک کے وزرائے خارجہ کے ہمراہ روایتی گروپ فوٹو میں شرکت کی۔
Deputy Prime Minister/Foreign Minister Senator Mohammad Ishaq Dar @MIshaqDar50 is participating in the SCO Council of Foreign Ministers Meeting in Cholpon-Ata, Kyrgyzstan, today. He joined fellow Foreign Ministers of the SCO Member States for the traditional family photograph… pic.twitter.com/l0EDKploEP
— Ministry of Foreign Affairs – Pakistan (@ForeignOfficePk) July 24, 2026
ایس سی او وزرائے خارجہ کونسل کے اجلاس میں علاقائی امن و استحکام، سیکیورٹی، دہشتگردی کے خلاف تعاون، اقتصادی روابط، تجارت، علاقائی رابطہ کاری اور باہمی دلچسپی کے دیگر اہم امور پر تبادلہ خیال کیا جائے گا۔ اجلاس میں تنظیم کے آئندہ سربراہ اجلاس کی تیاریوں کا بھی جائزہ لیا جائے گا۔
دفتر خارجہ کا کہنا ہے کہ وزیر خارجہ اسحاق ڈار اجلاس کے دوران رکن ممالک کے اپنے ہم منصبوں سے ملاقاتیں بھی کریں گے، جن میں دوطرفہ تعلقات، علاقائی صورتحال اور مختلف شعبوں میں تعاون کے فروغ پر بات چیت متوقع ہے۔
یہ بھی پڑھیں:مسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
پاکستان کا مؤقف ہے کہ شنگھائی تعاون تنظیم علاقائی تعاون، امن، اقتصادی ترقی اور رابطوں کے فروغ کے لیے ایک اہم پلیٹ فارم ہے، اور پاکستان تنظیم کے رکن ممالک کے ساتھ اپنے تعلقات کو مزید مضبوط بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار شنگھائی تعاون تنظیم کرغزستان
تحریکِ تحفظِ آئینِ پاکستان کا پارلیمنٹ ہائوس سے دھرنا ختم