شہباز شریف حکومت نے بجلی صارفین کیلئے ایک اور ریلیف پیکیج کا اعلان کردیا
اشاعت کی تاریخ: 6th, January 2026 GMT
اسلام آباد: شہباز شریف حکومت نے بجلی صارفین کو ماہانہ ریلیف دینے کا منصوبہ تیار کر لیا ہے، جس کے لیے آئی ایم ایف کی شرط پر کیپٹو پاور لیوی عائد کی گئی تاکہ بجلی کی قیمتیں کم کی جا سکیں۔
حکومتی ذرائع کے مطابق کیپٹو پاور لیوی کی رقم سے بجلی صارفین کو دو ماہ کے وقفے سے ریلیف دیا جائے گا، جبکہ لیوی کی شرح بڑھنے سے مزید ریلیف کی توقع ہے۔ وفاقی کابینہ نے کیپٹو پاور لیوی کو صارفین تک منتقل کرنے کی منظوری بھی دے دی ہے۔
اب کیپٹو پاور پلانٹس پر مرحلہ وار لیوی عائد کی جائے گی، ابتدائی طور پر 5 فیصد، بعد میں 10 فیصد، فروری 2026 میں 15 فیصد اور اگست 2026 تک 20 فیصد تک پہنچ جائے گی۔ لیوی کی رقم پاور سیکٹر کے تمام کیٹگری کے صارفین کے لیے ٹیرف کم کرنے میں استعمال ہوگی۔
حکومت نے واضح کیا ہے کہ لیوی کی عدم ادائیگی پر کیپٹو پاور پلانٹس کے خلاف کارروائی کی جائے گی اور مستقل ڈیفالٹ کی صورت میں متعلقہ پلانٹ کو گیس کی فراہمی روک دی جائے گی۔ ہر کیپٹو پاور پلانٹ گیس یا ایل این جی استعمال کرنے پر وفاقی حکومت کو لیوی ادا کرنے کا پابند ہوگا۔
.
ذریعہ
ذریعہ: Al Qamar Online
کلیدی لفظ: پاکستان کھیل کیپٹو پاور لیوی کی جائے گی
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
پاکستان نے ورلڈ کپ 2028 کیلیے براہ راست کوالیفائی کر لیا