’جب میاں بیوی راضی ہیں تو ۔۔۔‘ چائلڈ میرج ایکٹ کے تحت گرفتار ملزم کی ضمانت
اشاعت کی تاریخ: 21st, January 2026 GMT
سپریم کورٹ نے چائلڈ میرج ایکٹ کے تحت گرفتار محمد عرفان کی ضمانت بعد از گرفتاری درخواست منظور کر لی ہے۔ عدالت نے ملزم کو ایک لاکھ روپے کے ضمانتی مچلکوں کے عوض عارضی رہائی دی، جبکہ مقدمہ چائلڈ میرج ایکٹ کے تحت جاری رہے گا۔
یہ بھی پڑھیں:کم عمری کی شادی کے خاتمے کے لیے ملک گیر مہم کا آغاز
جسٹس ہاشم کاکڑ کی سربراہی میں 3 رکنی بینچ نے محمد عرفان کی ضمانت پر سماعت کی۔ ملزم عرفان جون 2025 سے گرفتار تھا اور اس پر الزام تھا کہ اس نے ایک 16 سالہ لڑکی کو اغوا کیا اور گھر سے سونا و پیسے چوری کیے۔ وکیل درخواستگزار نے عدالت کو بتایا کہ لڑکی کی عمر 16 سال ہے۔
ملزم کے وکیل محمد صدیق اعوان نے کہا کہ لڑکی نے کورٹ میرج کی اور مجسٹریٹ کے سامنے بیان بھی ریکارڈ ہے۔ عدالت میں بتایا گیا کہ کورٹ میرج کرنے والی لڑکی جڑواں بہنیں ہیں اور لڑکی کی دوسری بہن کی شادی 3 سال قبل ہو چکی ہے۔
جسٹس ہاشم کاکڑ نے کہا کہ ’جب میاں بیوی راضی ہیں تو کیا ایشو ہے‘ اور استفسار کیا کہ ملزم کب سے گرفتار ہے، جس پر وکیل ملزم نے جواب دیا کہ جون 2025 سے۔ عدالت نے کہا کہ فیملی ٹری نہ نکالا جائے اور اگر آپ چاہتے ہیں تو کارروائی علیحدہ ہو۔
عدالت میں بتایا گیا کہ لڑکی تین بار مجسٹریٹ کے سامنے پیش ہو چکی ہے اور ہر بار بیان دیا کہ وہ مرضی سے شادی کے لیے راضی تھی۔
یہ بھی پڑھیں:بلوچستان اسمبلی میں کم عمری کی شادیوں کے خلاف بل منظور، اپوزیشن کا احتجاج
پراسیکیوٹر نے عدالت کو بتایا کہ چائلڈ میرج ایکٹ کے تحت 16 سال 4 ماہ کی سزا ممکن ہے۔ عدالت نے دلائل مکمل ہونے کے بعد محمد عرفان کو ایک لاکھ روپے کے ضمانتی مچلکوں کے عوض عارضی ضمانت دے دی، جبکہ مقدمہ چائلڈ میرج ایکٹ کے تحت جاری رہے گا۔
عدالت نے واضح کیا کہ یہ ضمانت عارضی ہے اور قانونی کارروائی مکمل ہونے تک مقدمہ برقرار رہے گا، تاکہ چائلڈ میرج ایکٹ کے تحت مجاز سزا دی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس ہاشم کاکڑ چائلڈ میرج ایکٹ سپریم کورٹ.
ذریعہ
ذریعہ: WE News
کلیدی لفظ: جسٹس ہاشم کاکڑ چائلڈ میرج ایکٹ سپریم کورٹ عدالت نے
پڑھیں:
سپریم کورٹ نے نیب ترمیم کے بعد عدالتی دائرہ اختیار سے متعلق کیس کا فیصلہ سنا دیا
اسلام آباد(ڈیلی پاکستان آن لائن)سپریم کورٹ آف پاکستان نے نیب ترمیم کے بعد عدالتی دائرہ اختیار سے متعلق کیس کا فیصلہ سنا دیا۔
نجی ٹی وی چینل دنیا نیوز کے مطابق سپریم کورٹ نے کہا ہے کہ نیب سے متعلق تمام مقدمات آئینی عدالت سنے گی،نیب قانون میں ترمیم کے بعد سپریم کورٹ نیب مقدمات نہیں سن سکتی،نیب کے تمام مقدمات آئینی عدالت منتقل ہو گئے ہیں،جسٹس محمد علی مظہر نے مختصر فیصلہ سنایا۔
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی