بے نظیر ہنرمند پروگرام قوم کے نوجوانوں کو بااختیار بنائے گا، صدر مملکت آصف زرداری
اشاعت کی تاریخ: 21st, June 2025 GMT
صدرِ مملکت آصف علی زرداری نے کہا ہے کہ بے نظیر ہنرمند پروگرام کے تحت ملک کے نوجوانوں کو جدید تعلیم، ہنر اور بین الاقوامی سطح پر مطلوب مہارتیں سکھا کر انہیں با اختیار اور خود کفیل بنایا جائے گا۔
یہ بات انہوں نے ایوانِ صدر میں بے نظیر ہنرمند پروگرام کے اجرا کی تقریب سے خطاب کرتے ہوئے کہی۔ انہوں نے اس موقع پر بینظیر انکم سپورٹ پروگرام (بی آئی ایس پی) کے تحت نئی نسل کو باوقار مستقبل دینے کے عزم کا اظہار کیا۔
یہ بھی پڑھیں چیئرپرسن بی آئی ایس پی کی لائیو ای کچہری، مستحقین کے مسائل فوری حل کرنے کی ہدایات جاری
صدر زرداری نے کہاکہ اس پروگرام کے ذریعے نوجوانوں کو کمپیوٹر، جدید ٹیکنالوجی، جرمن اور چینی زبانوں سمیت دیگر عالمی مہارتوں کی تربیت دی جائے گی تاکہ وہ نہ صرف ملک میں روزگار حاصل کر سکیں بلکہ بیرون ملک بھی باعزت زندگی گزار سکیں۔
انہوں نے کہاکہ نرسنگ جیسے پیشوں کی دنیا بھر میں بڑی مانگ ہے، اور اس پروگرام کے تحت خاص طور پر لڑکیوں کو ان شعبوں میں تربیت دی جائے گی تاکہ وہ عالمی معیار پر پورا اتر سکیں۔
صدر مملکت نے وزیر خزانہ نوید قمر کی کوششوں کو سراہتے ہوئے کہاکہ ان کی کاوشوں سے بی آئی ایس پی کو مزید مؤثر اور جامع بنایا گیا ہے، جہاں بچوں اور بچیوں کی تعلیم سمیت دیگر بنیادی سہولیات فراہم کی جا رہی ہیں۔
انہوں نے مزید کہاکہ پیپلز پارٹی کا وژن ہمیشہ عام آدمی کو با اختیار بنانا رہا ہے، اور یہی فلسفہ بے نظیر ہنرمند پروگرام کی بنیاد ہے۔ ’ہم چاہتے ہیں کہ ایک محنت کش کا بیٹا بھی ہنر سیکھ کر نہ صرف اپنے خاندان بلکہ پوری قوم کی خدمت کرے۔‘
صدر مملکت کا کہنا تھا کہ پاکستان کی ترقی اس وقت ممکن ہے جب عام شہری کو جدید تعلیم، ہنر اور مواقع فراہم کیے جائیں۔ ’ہم جدید ٹیکنالوجی کو عوام تک لے جانا چاہتے ہیں تاکہ وہ بدلتی ہوئی دنیا کا حصہ بن سکیں۔‘
یہ بھی پڑھیں بی آئی ایس پی کے زیراہتمام نوعمر لڑکیوں کی غذائی ضروریات پر مبنی سماجی تحفظ پروگرام کا آغاز
تقریب کے اختتام پر صدر آصف علی زرداری نے اس امید کا اظہار کیا کہ بے نظیر ہنرمند پروگرام پاکستان کے نوجوانوں کے لیے روشنی کی ایک نئی کرن ثابت ہوگا اور انہیں قومی اور بین الاقوامی سطح پر عزت، وقار اور روزگار فراہم کرےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری بی آئی ایس پی صدر مملکت نئی نسل ہنرمند وی نیوز.
ذریعہ
ذریعہ: WE News
کلیدی لفظ: بی ا ئی ایس پی صدر مملکت وی نیوز بے نظیر ہنرمند پروگرام پروگرام کے صدر مملکت انہوں نے ایس پی
پڑھیں:
نوجوانوں کو آسان اقساط پر الیکٹرک بائیکس اور ٹیکسیاں بلا سود دینے کا فیصلہ
صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیے جانے کی توقع ہے۔ اسلام ٹائمز۔ حکومت پنجاب نے نوجوانوں کو آئندہ مالی سال میں الیکٹرک بائیکس اور ٹیکسیاں دینے کا فیصلہ کیا ہے۔ آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود دینے کا فیصلہ کیا گیا ہے۔ ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔
پنجاب کے وزیر ٹرانسپورٹ بلال اکبر خان نے کہا کہ ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت دی جائے گی، رجسٹریشن سمیت دیگر مراعات بھی دی جائیں گی۔ صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیئے جانے کی توقع ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ