لاہور میں 6 فروری سے پہلے پتنگ کی قطعاً اجازت نہیں، کمشنر مریم خان
اشاعت کی تاریخ: 3rd, January 2026 GMT
کمشنر لاہور ڈویژن مریم خان نے کہا ہے کہ 6 فروری سے پہلے لاہور میں پتنگ بازی کی قطعاً اجازت نہیں ہے۔
لاہور میں مریم خان کی زیر صدارت اجلاس میں’محفوظ بسنت‘ کی تاریخوں اور قوانین کی خلاف ورزی پر بروقت اور سخت کریک ڈاؤن کی ہدایات کی گئیں۔
کمشنر لاہور نے کہا کہ محفوظ بسنت کے لیے 100 کیمپس سے 10 لاکھ سیفٹی راڈز موٹر سائیکلوں پر لگائے جائیں گے۔
انہوں نے کہا کہ محفوظ بسنت کے لیے لاہور ٹریفک انتظامیہ نے 23 روٹس پر فری رائیڈ کی تجویز دی ہے۔
مریم خان نے مزید کہا کہ صرف لاہور ضلع کی حدود میں 3 روزہ ’محفوظ بسنت‘ 6، 7 اور 8 فروری 2026 کو ہوگی جبکہ شہر میں پتنگ و ڈور کی فروخت کی اجازت صرف یکم فروری تا 8 فروری 2026 ہے۔
اُن کا کہنا تھا کہ 6 فروری 2026ء سے پہلے ضلع لاہور میں پتنگ بازی کی قطعا اجازت نہیں، 3 روزہ محفوظ بسنت کے دوران سیفٹی راڈز کے بغیر کوئی موٹر سائیکل لاہور کی سڑکوں پر نہیں آئے گی۔
.
ذریعہ
ذریعہ: Jang News
کلیدی لفظ: محفوظ بسنت لاہور میں
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم