اسلام آباد میں نئے کنونشن سینٹر کی تعمیر، محسن نقوی کا مجوزہ جگہ کا دورہ
اشاعت کی تاریخ: 30th, January 2026 GMT
وزیراعظم کی ہدایت پر وفاقی دارالحکومت اسلام آباد میں بین الاقوامی معیار کے نئے کنونشن سینٹر کی تعمیر کا فیصلہ کیا گیا ہے۔
اس سلسلے میں وفاقی وزیر داخلہ محسن نقوی نے مری روڈ بھارہ کہو بائی پاس کے قریب کنونشن سینٹر کی مجوزہ جگہ کا دورہ کیا اور موقع پر ہی مختلف امور کا جائزہ لیا۔
دورے کے دوران وزیر داخلہ محسن نقوی نے متعلقہ حکام کو فوری احکامات جاری کرتے ہوئے کہا کہ مجوزہ جگہ پر موجود ہر قسم کے غیر قانونی قبضے فوری طور پر ختم کیے جائیں۔
یہ بھی پڑھیں: سی ڈی اے اسلام آباد کے پلاٹ دھڑا دھڑ کیوں بیچ رہا ہے؟
انہوں نے واضح کیا کہ قابضین کے خلاف بلاامتیاز قانونی کارروائی عمل میں لائی جائے گی اور تمام غیر قانونی تعمیرات کو مسمار کیا جائے گا۔
وزیر داخلہ نے دوٹوک الفاظ میں کہا کہ قابضین کو کسی قسم کی رعایت یا معاوضہ نہیں دیا جائے گا۔
مزید پڑھیں: اگلے سال اسلام آباد میں 2025 کے مقابلے میں دوگنا زیادہ منصوبوں کا افتتاح کریں گے، محسن نقوی
محسن نقوی کا کہنا تھا کہ اسلام آباد میں بین الاقوامی معیار کی سہولیات کی فراہمی حکومت کا عزم ہے۔
ان کے مطابق، اس کنونشن سینٹر کی تکمیل سے پاکستان میں ایس سی او سمٹ سمیت دیگر عالمی سطح کی کانفرنسز اور تقریبات کے انعقاد میں نمایاں آسانی پیدا ہوگی۔
اس موقع پر چیئرمین سی ڈی اے محمد علی رندھاوا، ڈپٹی کمشنر اسلام آباد عرفان میمن اور دیگر اعلیٰ حکام بھی وزیر داخلہ کے ہمراہ موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ڈپٹی کمشنر سی ڈی اے عرفان میمن کنونشن سینٹر محسن نقوی محمد علی رندھاوا وزیر داخلہ.
ذریعہ
ذریعہ: WE News
کلیدی لفظ: اسلام اباد ڈپٹی کمشنر سی ڈی اے عرفان میمن محسن نقوی محمد علی رندھاوا وزیر داخلہ کنونشن سینٹر کی اسلام آباد میں وزیر داخلہ محسن نقوی
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم