کشمیر… کیا محض زبانی اظہار یکجہتی کافی ہے؟

اشاعت کی تاریخ: 7th, February 2026 GMT

data-id="863a0a8" data-element_type="widget" data-e-type="widget" data-widget_type="theme-post-content.default">

260207-03-2
وزیر اعظم محمد شہباز شریف نے کہا ہے کہ بھارت جس محاذ پر اور جس زبان میں بات کرے گا، اسی میں جواب ملے گا۔ اس کی پراکسیز کا بھی وہی حشر کریں گے جو اس کے لڑاکا طیاروں کا کیا۔ دنیا کو بتا دیا کہ کشمیر نہ بھارت کا حصہ تھا، نہ ہے اور نہ ہو گا۔ ان جذبات کا اظہار وزیر اعظم نے ’یوم یکجہتی کشمیر‘ کے موقع پر آزاد کشمیر قانون ساز اسمبلی سے خطاب کے دوران کیا اس موقع پر پاکستان اور آزاد کشمیر کی اعلیٰ قیادت، حریت رہنما اور تمام سیاسی جماعتوں کے قائدین بھی موجود تھے۔ وزیر اعظم نے سید علی گیلانی، برہان الدین وانی، آسیہ اندرابی، یٰسین ملک اور میر واعظ عمر فاروق سمیت تمام کشمیری رہنمائوں، خواتین، بچوں اور بزرگوں کی جدوجہد آزادی اور قربانیوں کو خراج تحسین پیش کرتے ہوئے کہا کہ انہوں نے ایک نئی تاریخ رقم کی ہے ان کی قربانیوں اور خون سے کشمیر کی دھرتی سرخ ہے اور بھارت کا چہرہ دنیا کے سامنے بے نقاب ہو چکا ہے۔ بانی پاکستان نے کشمیر کو پاکستان کی شہ رگ قرار دیا تھا، یہی پاکستان کی خارجہ پالیسی کی بنیاد ہے۔ تنازع کشمیر کا پائیدار حل صرف اور صرف کشمیری عوام کی امنگوں اور اقوام متحدہ کی سلامتی کونسل کی قرار دادوں پر عمل سے ہی ممکن ہے، اس کے سوا بھارت کے پاس کوئی راستہ نہیں، پاکستان کشمیریوں کو ان کا حق ملنے تک ان کی حمایت جاری رکھے گا۔ کشمیریوں کی قربانیاں رائیگاں نہیں جائیں گی، تاریخ گواہ ہے کہ کشمیری اپنے بچوں کو قربان کر سکتے ہیں لیکن اپنی آزادی قربان کرنے کو تیار نہیں۔ پاکستان ہر سطح پر کشمیریوں کی سیاسی، سفارتی اور اخلاقی حمایت جاری رکھے گا۔ کشمیر کی آزادی پر کبھی سمجھوتا نہیں کریں گے۔ پاکستان نے معرکہ حق میں بھارت کا غرور خاک میں ملا دیا اور اسے فیلڈ مارشل سید عاصم منیر کی قیادت میں ہماری مسلح افواج نے ایسا سبق سکھایا جو اس کی نسلیں بھی کبھی بھول نہ پائیں گی، معرکہ حق صرف ہماری افواج کی پیشہ ورانہ مہارت کی فتح نہیں بلکہ یہ کشمیری عوام کی قربانیوں کی بھی فتح ہے۔ معرکہ حق کے بعد کشمیر کاز پوری دنیا میں پوری قوت سے زندہ ہوا، بھارت کا جھوٹ کا بیانیہ دفن ہونا ہماری سفارتی کامیابی ہے۔ بھارت نے ذلت آمیز شکست کے بعد اپنی پراکسیز کے ذریعے پاکستان میں دوبارہ دہشت گردی تیز کر دی ہے، بھارت کے جارحانہ، توسیع پسندانہ اور تسلط پسندانہ عزائم کو ترک کیے جانے تک خطے میں امن قائم نہیں ہو سکتا۔ پاکستان کی مسلح افواج اور سیکورٹی فورسز بھارت کی دہشت گردی میں ملوث پراکسیز کا بھی وہی حشر کریں گی جو اس کے لڑاکا طیاروں کا ہوا، امن چاہتے ہیں لیکن برابری اور انصاف کی بنیاد پر، بھارت جو محاذ کھولے گا اور جس زبان میں بات کرے گا اسی میں جواب ملے گا۔ شہباز شریف نے کہا کہ کشمیر و فلسطین کے عوام کو ان کی مرضی سے جینے کا حق ملنا دنیا کی جمہوریت پسندی اور انصاف پسندی کا امتحان ہے، بین الاقوامی قوانین اور اصول اس حق کی حمایت کرتے ہیں۔ وزیر اعظم نے اس موقع پر آزاد کشمیر کے عوام اور خصوصاً نوجوانوں کے لیے تعمیر و ترقی کے بہت سے منصوبوں کا اعلان بھی کیا۔ دریں اثنا ’یوم یکجہتی کشمیر‘ کے موقع پر مسلح افواج کے سربراہ فیلڈ مارشل سید عاصم منیر نے بھی آزاد کشمیر کے دارالحکومت مظفر آباد کا دورہ کیا انہوں نے شہدائے جموں و کشمیر کی یاد گار پر حاضری دی اور شعبہ تعلقات عامہ کے مطابق فیلڈ مارشل سید عاصم منیر نے معززین اور سابق فوجیوں سے ملاقات کی، مقبوضہ کشمیر کے عوام کے لیے پاکستان کی غیر متزلزل سیاسی، اخلاقی اور سفارتی حمایت کا اعادہ کیا۔ فیلڈ مارشل نے کہا کہ شہدا کی قربانیاں جرأت، عزم اور بے لوث جدوجہد کی روشن مثال ہیں، شہدا کی قربانیاں ہمیشہ یاد رکھی جائیں گی۔ پاکستان سلامتی کونسل کی قرار دادوں کے مطابق منصفانہ حل تک مسئلہ کشمیر اجاگر کرتا رہے گا، مقبوضہ وادی کشمیری عوام کی خواہشات کے مطابق جلد آزادی کی صبح دیکھے گی جو اہل کشمیر کی اجتماعی خواہش اور مقدر ہے، پاکستان عالمی فورمز پر کشمیر کا مقدمہ بھر پور طریقے سے اٹھاتا رہے گا۔ فیلڈ مارشل نے مشکل آپریشنل حالات کے باوجود کشمیر میں تعینات افسران اور جوانوں کی تعریف کی، جوانوں کی غیر متزلزل وابستگی، بلند حوصلے، پیشہ ورانہ مہارت اور جنگی تیاری کو سراہا۔ انہوں نے کہا کہ بھارت کی ریاستی جارحیت اور انسانی حقوق کی سنگین خلاف ورزیاں کشمیریوں کے حوصلے نہیں توڑ سکی، ہندو توا پر مبنی پالیسیوں کے باوجود کشمیری عوام کی جدوجہد مزید مضبوط ہوئی ہے۔ وزیر اعظم محمد شہباز شریف اور مسلح افواج کے سربراہ فیلڈ مارشل محمد عاصم منیر نے ’یوم یکجہتی کشمیر‘ کے موقع پر آزاد کشمیر جا کر جس طرح کشمیری مسلمانوں کی جدوجہد آزادی سے وابستگی کا اظہار کیا اور وہاں جن خیالات کا اظہار کیا وہ یقینا پاکستان کے عوام کے جذبات کی ترجمانی ہے تاہم سوال یہ ہے کہ کیا کشمیری عوام کی تحریک آزادی سے پاکستان کے اہم ترین رہنمائوں کا محض زبانی اظہار یکجہتی کر دینا کافی ہے؟ جیسا کہ وزیر اعظم نے بانی پاکستان کے حوالے سے کشمیر کو پاکستان کی شہ رگ قرار دیا مگر سوچنے کا مقام یہ ہے کہ کیا کوئی ملک یہ برداشت کر سکتا ہے کہ اس کی شہ رگ 78 برس تک اس حال میں دشمن کے قبضہ میں رہے کہ اس سے مسلسل لہو بہہ رہا ہو اور دشمن ہر لمحہ اسے اذیت ناک طریقے سے زخم پہ زخم لگا رہا ہو۔ اس کی آٹھ لاکھ فوج نے وہاں کے باشندوں کا جینا محال بنا رکھا ہو۔ وہ ہر گزرتے دن کے ساتھ تحریک حریت کشمیر کے خلاف گھیرا تنگ کرتا چلا جا رہا ہے۔ پانچ اگست 2019ء کو بھارت نے اپنے آئین کی دفعات 370 اور -35 اے منسو خ کر کے کشمیر کی خصوصی آئینی حیثیت پر کاری ضرب لگائی مگر پاکستانی حکومت نے اس پر زبانی جمع خرچ سے بڑھ کر کوئی ٹھوس عملی اقدام نہیں کیا۔ جناب وزیر اعظم کم و بیش گزشتہ چار برس سے ملک کے اعلیٰ ترین منصب پر فائز ہیں مگر کیا وہ بتا سکتے ہیں کہ انہوں نے تقریروں سے بڑھ کر کون سا عملی اقدام تحریک حریت کشمیر کو تقویت پہنچانے کے لیے کیا ہے۔ انہوں نے اپنی تقریر میں ’معرکہ حق‘ میں وطن عزیز کی شاندار کامیابی کا ذکر کیا مگر سوال یہ ہے کہ حکومت پاکستان نے اپنی اس فتح کو اپنی شہ رگ کو دشمن کے پنجہ سے آزاد کرانے کے لیے کس قدر موثر طور پر استعمال کیا۔ شہ رگ کو دشمن کے پنجے سے آزاد کرانے کے لیے کس قدر موثر طور پر استعمال کیا۔ مسئلہ کشمیر سال ہا سال سے اقوام متحدہ کے نامکمل ایجنڈے کی حیثیت سے معلق چلا آ رہا ہے مگر حقیقت یہ بھی ہے کہ کشمیریوں کے وکیل اور مسئلہ کے ایک اہم فریق کی حیثیت سے پاکستان نے ایک طویل عرصہ سے اس نامکمل ایجنڈے کی تکمیل کی جانب کوئی قابل ذکر پیش رفت نہیں کی۔ یادش بخیر! قومی اسمبلی کی ایک ’کشمیر کمیٹی‘ کبھی عالمی سطح پر اس مسئلہ کو اجاگر کرنے کے لیے بہت متحرک ہوا کرتی تھی مگر اب ’یوم یکجہتی کشمیر‘ کے موقع پر بھی اس کمیٹی کے وجود میں کوئی حرکت محسوس نہیں کی۔ اس صورت حال میں ملک کی سیاسی اور عسکری قیادت کے لیے یہ لمحہ فکر ہونا چاہیے کہ ہم کب تک اپنی شہ رگ کو دشمن کے رحم و کرم پر چھوڑے رہیں گے؟؟

اداریہ

سیف اللہ.

ذریعہ

ذریعہ: Jasarat News

کلیدی لفظ: یوم یکجہتی کشمیر کشمیری عوام کی پاکستان کی پاکستان نے فیلڈ مارشل مسلح افواج کے موقع پر بھارت کا کشمیر کے انہوں نے کہ کشمیر معرکہ حق کشمیر کی کے عوام دشمن کے کہا کہ کے لیے نے کہا

پڑھیں:

معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی

سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔

Array koi baat nahi it's ok pic.twitter.com/ZwimtIcx4a

— iffi (@iffiViews) July 22, 2026

طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔

یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل

کشمیر… کیا محض زبانی اظہار یکجہتی کافی ہے؟

معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر